రాష్ట్ర మంత్రివర్గంలో కొత్తగా పదవీ బాధ్యతలు చేపట్టిన మంత్రి మహమ్మద్ అజారుద్దీన్, ముఖ్యమంత్రి శ్రీ ఎ. రేవంత్ రెడ్డి గారిని మర్యాదపూర్వకంగా కలిశారు. ఈ సందర్భంగా ముఖ్యమంత్రి రేవంత్ రెడ్డి, మంత్రి అజారుద్దీన్‌కు శుభాకాంక్షలు తెలియజేస్తూ, ఆయన తన కొత్త బాధ్యతల్లో విజయవంతం కావాలని ఆకాంక్షించారు.
ముఖ్యమంత్రి శ్రీ ఎ.రేవంత్ రెడ్డి గారిని మంత్రి మహమ్మద్ అజారుద్దీన్ గారు మర్యాద పూర్వకంగా కలిశారు. ఇటీవలే మంత్రిగా పదవీ స్వీకార ప్రమాణం చేసిన అజారుద్దీన్ గారికి ప్రభుత్వ రంగ సంస్థలు, మైనారిటీ సంక్షేమ మంత్రిత్వ శాఖలను కేటాయించిన నేపథ్యంలో ముఖ్యమంత్రి గారిని కలిసి కృతజ్ఞతలు… https://t.co/zPD7WCUGoV pic.twitter.com/bVxDb11yxk
— Telangana CMO (@TelanganaCMO) November 4, 2025
కాగా, ఇటీవల మంత్రిగా ప్రమాణ స్వీకారం చేసిన అజారుద్దీన్‌కు ప్రభుత్వ రంగ సంస్థలు (Public Enterprises) మరియు మైనారిటీ సంక్షేమ శాఖ (Minority Welfare) మంత్రిత్వ బాధ్యతలు కేటాయించబడ్డాయి. ఈ క్రమంలో, తనపై విశ్వాసం ఉంచి కీలక శాఖలను అప్పగించినందుకు ముఖ్యమంత్రి గారికి కృతజ్ఞతలు తెలియజేయడానికి అజారుద్దీన్ సీఎంను కలిశారు.
ఇక ఈ భేటీ సందర్భంగా, మంత్రి అజారుద్దీన్ తన కొత్త శాఖల కార్యక్రమాలు, రాబోయే రోజుల్లో అమలు చేయబోయే సంక్షేమ పథకాలు, మరియు అభివృద్ధి ప్రణాళికలపై ముఖ్యమంత్రి రేవంత్ రెడ్డి గారితో చర్చించినట్లు సమాచారం. మరోవైపు మంత్రి అజారుద్దీన్ నేతృత్వంలో మైనారిటీ సంక్షేమం మరియు ప్రభుత్వ రంగ సంస్థల అభివృద్ధి దిశగా సరికొత్త మార్పులు చోటుచేసుకునే అవకాశం ఉందని అధికార వర్గాలు భావిస్తున్నాయి.
