హైదరాబాద్‌ అఫ్జల్‌గంజ్‌లో ఉన్న ఉస్మానియా ఆసుపత్రి పునర్నిర్మాణానికి సీఎం రేవంత్ రెడ్డి నిన్న భూమి పూజ నిర్వహించిన విషయం తెలిసిందే. తెలంగాణ ప్రభుత్వ ప్రధాన ప్రాజెక్టుగా రూపొందిన ఈ మెగా ఆసుపత్రి భవనాన్ని రూ.2,700 కోట్ల వ్యయంతో నిర్మించనున్నారు.
ఈ సందర్భంగా సీఎం రేవంత్ రెడ్డి భావోద్వేగంగా స్పందిస్తూ, “శిథిలావస్థకు చేరిన ఉస్మానియా ఆసుపత్రిని అత్యాధునిక వైద్య సౌకర్యాలతో పునరుద్ధరించడం నా జీవితంలో చిరస్మరణీయ ఘట్టం. పేదల ఆరోగ్య సంరక్షణ కోసం ఈ ప్రాజెక్ట్ ఎంతో కీలకం” అని ట్విట్టర్‌లో పేర్కొన్నారు.
భవిష్యత్తు వైద్య సేవలకు అద్భుత ప్రాజెక్ట్
ఈ కొత్త ఆసుపత్రి గోషామహాల్ స్టేడియం వద్ద 26.30 ఎకరాల్లో 32 లక్షల చదరపు అడుగుల విస్తీర్ణంలో నిర్మించబడుతుంది. ఆసుపత్రిలో 2,000 పడకలు, అందులో 500 ఐసీయూ పడకలు ఏర్పాటు చేయనున్నారు. ప్రస్తుతం ఉన్న 22 వైద్య విభాగాల సంఖ్య 40కి పెంచుతూ, 41 ఆపరేషన్ థియేటర్లు అందుబాటులోకి రానున్నాయి. రోజుకు 5,000 ఓపీ రోగులకు సేవలు, 30 రోబోటిక్ శస్త్రచికిత్సలు. డెంటల్, నర్సింగ్, ఫిజియోథెరపీ కాలేజీలు, ఆధునిక హాస్టల్ సదుపాయాలు, 3,000 వాహనాలకు పార్కింగ్, హెలిప్యాడ్, స్కైవాక్ నిర్మాణం
ఇక, డెంటల్, నర్సింగ్, ఫిజియోథెరపీ కాలేజీలు, ఆధునిక హాస్టల్ సౌకర్యాలు, 750 సీట్ల సామర్థ్యం కలిగిన ఆడిటోరియం, క్రీడా ప్రాంగణాలు కూడా ఈ ప్రాజెక్ట్‌లో భాగం కానున్నాయి. రోగుల రవాణాకు హెలిప్యాడ్, ట్రాఫిక్ సమస్యలు లేకుండా స్కైవాక్, విస్తృత రోడ్లు నిర్మించనున్నారు.
ఈ ప్రాజెక్టును రెండేళ్లలో పూర్తి చేయాలని లక్ష్యంగా పెట్టుకున్నట్లు వైద్య ఆరోగ్య శాఖ మంత్రి దామోదరం రాజనరసింహ తెలిపారు. తెలంగాణ ఆరోగ్య రంగాన్ని మరో మెట్టుపైకి తీసుకెళ్లే ఈ మెగా ప్రాజెక్ట్ త్వరలో అందుబాటులోకి రానుంది!
ఈ మెగా ఆసుపత్రి భవనం రెండేళ్లలో పూర్తవుతుందని వైద్య ఆరోగ్య శాఖ మంత్రి దామోదరం రాజనరసింహ తెలిపారు. తెలంగాణ ఆరోగ్య రంగంలో విప్లవాత్మక మార్పులకు ఇది నాంది కానుంది!
