మునుగోడు ఉపఎన్నిక: 38 మంది కాంగ్రెస్ స్టార్ ‌క్యాంపెయినర్ల జాబితా ఇదే…

October 14, 2022

తెలంగాణలో నల్గొండ జిల్లాలోని మునుగోడు అసెంబ్లీ నియోజకవర్గానికి నవంబర్ 3న ఉపఎన్నిక పోలింగ్
జరగనున్న సంగతి తెలిసిందే. అక్టోబర్ 14తో నామినేషన్స్ దాఖలు పక్రియ కూడా ముగియడంతో రాష్ట్రంలోని ప్రధాన రాజకీయ పార్టీలు ప్రచారపర్వంపై దృష్టి సారించాయి. అందులో భాగంగా మునుగోడు ఉపఎన్నిక కోసం కాంగ్రెస్ పార్టీ 38 మందితో కూడిన స్టార్‌ క్యాంపెయినర్ల జాబితాను గురువారం నాడు విడుదల చేసింది. మునుగోడులో కాంగ్రెస్ పార్టీ అభ్యర్థిగా పాల్వాయి స్రవంతి బరిలో నిలిచారు. మునుగోడు ఉపఎన్నికను కాంగ్రెస్ పార్టీ సీరియస్‌గా తీసుకుని సత్తా చాటాలని చూస్తుంది. ఈ క్రమంలో మునుగోడులో ప్రచారంలో పాల్గొనే 38 మందితో కూడిన కాంగ్రెస్ స్టార్ క్యాంపెయినర్ల జాబితాను ఏఐసీసీ ప్రధాన కార్యదర్శి కేసీ వేణుగోపాల్ కేంద్ర ఎన్నికల సంఘానికి సమర్పించారు.