మొదటి భర్త నుంచి విడాకుల కోసం దరఖాస్తు చేసుకున్న ఓ మహిళ.. పిటిషన్ విచారణ ముగిసి తీర్పు వెలువడక ముందు మరో వ్యక్తితో సహజీవనం చేయడం పై సుప్రీంకోర్టు తీవ్ర అభ్యంతరం వ్యక్తం చేసింది. అదే విధంగా, మహిళ ఆమె 2వ భర్తకు ఒక్కొక్కరికి 6 నెలల జైలు శిక్ష విధించింది. ఇద్దరూ విడివిడిగా శిక్షలు అనుభవించాలని సుప్రీంకోర్టు పేర్కొంది. అదేమంటే, ఆ మహిళకు బిడ్డ ఉన్నందున, ఆ బిడ్డను చూసుకోవాల్సిన అవసరం ఉన్నందున, 2వ భర్త మొదట ఆరు నెలల జైలు శిక్ష అనుభవించాలని, ఆపై మహిళ జైలుకు లొంగిపోవాలని ధర్మాసనం పేర్కొంది.
గతంలో ఈ కేసులో ఇద్దరికి మద్రాసు హైకోర్టు బెంచ్ ఒకరోజు జైలు శిక్ష విధించింది. అయితే వారికి విధించిన శిక్ష సరిపోదని ఆ మహిళల మొదటి భర్త సుప్రీంకోర్టును ఆశ్రయించారు. ఇరుపక్షాల వాదనలు విన్న న్యాయమూర్తులు.. మొదటి జీవిత భాగస్వామికి విడాకులు ఇవ్వకుండా మరొకరిని పెళ్లి చేసుకోవడం నేరమని తేల్చి ఇద్దరికీ ఆరు నెలల శిక్ష విధించడం సముచితమని పేర్కొంది. ఈ కేసులో విధించిన శిక్షను ఇలాంటి ఇతర కేసులకు కూడా వర్తింపజేయరాదని సుప్రీంకోర్టు స్పష్టం చేసింది. ఇక్కడ ఇచ్చిన ఒక్కొక్కరికి 6 నెలల జైలు శిక్ష ఈ కేసు విచారణకు మాత్రమే పరిమితమైంది. ఇలాంటి ఇతర కేసుల్లో ఆయా కేసుల్లో ఏ మేరకు తప్పులు దొర్లుతున్నాయో పరిశీలించి శిక్షను ప్రకటించవచ్చని పేర్కొంది.
తాజాగా, ముస్లిం పురుషుడి నుంచి విడాకులు తీసుకున్న ముస్లిం మహిళ కూడా భరణానికి అర్హురాలని గత వారం సుప్రీంకోర్టు ఇచ్చిన తీర్పు ఇప్పుడు దేశవ్యాప్తంగా ముస్లిం వర్గాల్లో పెద్ద చర్చకు దారితీసింది. మరోవైపు సుప్రీంకోర్టు తీర్పుపై అఖిల భారత ముస్లిం పర్సనల్‌ లా బోర్డు (ఏఐఎంపీఎల్‌బీ) అసంతృప్తి వ్యక్తం చేసింది. దీనికి సంబంధించి బోర్డు ఆఫీస్ బేరర్లు ఒక ప్రకటన ఇచ్చారు మరియు సుప్రీం కోర్టు ఈ తీర్పు ఇస్లాం చట్టాలకు విరుద్ధం. కాబట్టి, సుప్రీంకోర్టు తీర్పుపై అప్పీల్ చేయడానికి ఇస్లామిక్ చట్టాలలో ఉన్న అంశాలను వారు జాబితా తయారు చేస్తున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE
