ఏపీలో కరోనా : కొత్తగా 528 పాజిటివ్ కేసులు, 2 మరణాలు నమోదు

February 18, 2022

ఆంధ్రప్రదేశ్ రాష్ట్రంలో కొత్తగా 528 మందికి కరోనా పాజిటివ్ గా నిర్ధారణ కావడంతో ఫిబ్రవరి 17, గురువారం ఉదయం 10 గంటల వరకు మొత్తం పాజిటివ్ కేసుల సంఖ్య 23,15,030 కు చేరింది. కొత్తగా నమోదైన కేసుల్లో అత్యధికంగా తూర్పుగోదావరిలో 101, పశ్చిమగోదావరిలో 92, గుంటూరులో 73, కృష్ణాలో 57, చిత్తూరులో 40 నమోదు అయ్యాయి. గత 24 గంటల్లో మరో 1,864 మంది కరోనా నుంచి పూర్తిగా కోలుకుని సంపూర్ణ ఆరోగ్యవంతులు అయినట్టు తెలిపారు. ఇక కరోనా వలన రాష్ట్రంలో మరో ఇద్దరు మరణించగా, మొత్తం మరణాల సంఖ్య 14707కీ పెరిగింది.