ఆంధ్రప్రదేశ్ ప్రభుత్వం కీలక నిర్ణయం: ప్రభుత్వ పాఠశాలల ఆవరణలో ఆ కార్యక్రమాలు నిషేధం

Key Decision Of Andhra Pradesh Government Ban On Private Programs In Government School Premises, Key Decision Of Andhra Pradesh Government, Andhra Pradesh Government Ban On Private Programs, Ban On Private Programs In Government School Premises, Private Programs In Government School, Andhra Pradesh Government School, Ban On Private Programs, AP Governament, AP School Education, AP Schools, Andhra Pradesh, AP Live Updates, AP Politics, Political News, Live Updates, Breaking News, Headlines, Live News, Mango News, Mango News Telugu

ఆంధ్రప్రదేశ్ ప్రభుత్వం పాఠశాలల ఆవరణ వినియోగంపై కీలక నిర్ణయం తీసుకుంది. రాష్ట్రంలోని ప్రభుత్వ పాఠశాలల ప్రాంగణంలో రాజకీయ సమావేశాలు, మతపరమైన కార్యక్రమాలు, వివాహాలు వంటి ప్రైవేట్ ఈవెంట్లను నిర్వహించడాన్ని పూర్తిగా నిషేధిస్తూ ఉత్తర్వులు జారీ చేసింది. ఈ మేరకు విద్యాశాఖ డైరెక్టర్ విజయ్ రామరాజు అన్ని జిల్లాల అధికారులకు స్పష్టమైన ఆదేశాలు ఇచ్చారు.

ఇటీవల పాఠశాలల పని వేళల ముందు లేదా తర్వాత, సెలవు రోజుల్లో స్కూల్ ఆవరణలో వివిధ కార్యక్రమాలు జరుగుతున్నట్లు ఫిర్యాదులు అందాయి. ప్రధానంగా, రాజకీయ సమావేశాలు, మతపరమైన ఈవెంట్లు, పెళ్లిళ్లు నిర్వహించడంపై అభ్యంతరాలు వ్యక్తమయ్యాయి. కొందరు హెడ్మాస్టర్లు, స్థానిక అధికారులు అనుమతులు ఇచ్చినట్లు నివేదికలు వెలువడ్డాయి. ఈ నేపథ్యంలో, విద్యార్థుల చదువుకు ఆటంకం కలగకూడదన్న ఉద్దేశంతో ప్రభుత్వం ఈ నిషేధాన్ని విధించింది.

ఉత్తర్వులను ఉల్లంఘించే అధికారులపై కఠిన చర్యలు తీసుకుంటామని ప్రభుత్వం హెచ్చరించింది. రీజినల్ జాయింట్ డైరెక్టర్లు (ఆర్జేడీలు), డిస్ట్రిక్ట్ ఎడ్యుకేషనల్ ఆఫీసర్లు (డీఈవోలు) దీనిపై ప్రత్యేకంగా దృష్టి పెట్టాలని ఆదేశాలు జారీ చేశారు.

విద్యార్థులకు ప్రాధాన్యత
పాఠశాలల ఆవరణలో ప్రైవేట్ ఈవెంట్లు విద్యార్థుల ఏకాగ్రతను దెబ్బతీయడమే కాకుండా, పాఠశాల నిర్వహణకు ఇబ్బందులు కలిగిస్తున్నాయని పలువురు అభిప్రాయపడ్డారు. విద్యార్థుల చదువుకు ఇబ్బంది కలగకుండా, ఈ కార్యక్రమాలను మైదానాలు లేదా స్టేడియంలు వంటి ప్రదేశాల్లో నిర్వహించుకోవాలని వారు సూచిస్తున్నారు.

విద్యార్థుల విద్యకు ప్రాధాన్యత ఇస్తూ ప్రభుత్వం తీసుకున్న ఈ నిర్ణయాన్ని పలువురు స్వాగతిస్తున్నారు. ఇది విద్యా సంస్థల గౌరవాన్ని పెంచడమే కాకుండా, విద్యార్థులకు మరింత చక్కటి శిక్షణ అందించేందుకు సహాయపడుతుందని పేర్కొంటున్నారు.