పెరుగుతున్న కొత్తరకం కరోనా కేసులు, దేశంలో ఇప్పటికి 73 మందికి పాజిటివ్

January 6, 2021

దేశంలో కొత్తరకం కరోనా వైరస్ పాజిటివ్ కేసుల సంఖ్య క్రమంగా పెరుగుతుంది. బుధవారం సాయంత్రానికి ఈ కేసుల సంఖ్య 73 కి చేరుకునట్టుగా కేంద్ర ఆరోగ్య, కుటుంబ సంక్షేమ మంత్రిత్వ శాఖ వెల్లడించింది. పాజిటివ్ గా తేలిన వారందరిని ఆయా రాష్ట్ర ప్రభుత్వాలు ఒకే గదిలో ఐసొలేషన్ లో ఉంచి చికిత్స అందిస్తున్నట్టు తెలిపారు. వారి ప్రైమరీ కాంటాక్ట్ వ్యక్తులను కూడా క్వారంటైన్ లో ఉంచి పర్యవేక్షిస్తున్నామన్నారు. సహ ప్రయాణికులు, కుటుంబ సభ్యులు మరియు ఇతరుల కోసం సమగ్ర కాంటాక్ట్ ట్రేసింగ్ చేస్తున్నామని పేర్కొన్నారు. మరోవైపు ఇతర నమూనాలపై కూడా జీనోమ్ సీక్వెన్సింగ్ జరుగుతోందని చెప్పారు.