కేరళలో కరోనా : గత 24 గంటల్లో 424 పాజిటివ్ కేసులు నమోదు

March 29, 2022

కేరళ రాష్ట్రంలో కరోనా పాజిటివ్ కేసుల నమోదు తగ్గుముఖం పట్టింది. అయినప్పటికీ దేశంలో రోజువారీగా నమోదయ్యే కేసుల్లో అత్యధికంగా కేరళలోనే నమోదవుతున్నాయి. ఈ నేపథ్యంలో గత 24 గంటల్లో కొత్తగా 424 కరోనా కేసులు, 0 మరణాలు నమోదవడంతో మొత్తం పాజిటివ్ కేసుల సంఖ్య 65,31,860 కు చేరగా, కరోనాతో మరణించిన వారి సంఖ్య 67,844 గా ఉంది.

ఇక కొత్తగా కరోనా నుంచి 528 మంది కోలుకోవడంతో ఇప్పటివరకు రికవరీ అయినవారి సంఖ్య 64,59,585 కు చేరుకుంది. రాష్ట్రంలో ప్రస్తుతం 3,555 యాక్టీవ్ కేసులు ఉన్నాయి. తాజాగా నమోదైన కేసుల్లో అత్యధికంగా ఎర్నాకులంలో 104, కొట్టాయంలో 66, తిరువనంతపురంలో 56, పతనంతిట్టలో 29, త్రిసూర్ లో 28, కొల్లంలో 27, కోజికోడ్ లో 25 కేసులు నమోదయ్యాయి. మరోవైపు గత 24 గంటల్లో కేరళలో మొత్తం 17,846 కరోనా పరీక్షలను పరీక్షించారు.