ఇటీవల వరుసగా విమాన ప్రమాదాలు చోటుచేసుకుంటుండటం ప్రపంచవ్యాప్తంగా ఆందోళన కలిగిస్తోంది. దక్షిణ కొరియాలో జరిగిన ఘోర ప్రమాదంలో వందమందికి పైగా మృతి చెందగా, అమెరికాలో జరిగిన మరో ప్రమాదం మాత్రం వెంట్రుకవాసిలో తప్పింది. ఈ ఘటన లాస్ ఏంజిల్స్ అంతర్జాతీయ విమానాశ్రయంలో చోటుచేసుకుంది.
లాస్ ఏంజిల్స్ విమానాశ్రయంలో పెను ప్రమాదం త్రుటిలో తప్పిన ఘటన
వాషింగ్టన్‌కు చెందిన గోంజగ యూనివర్సిటీ మెన్స్ బాస్కెట్ బాల్ జట్టు ప్రయాణిస్తున్న ప్రైవేట్ జెట్ రన్‌వేపై ఉండగా, అదే సమయంలో మరో విమానం టేకాఫ్ ప్రారంభించింది. అప్రమత్తమైన ఎయిర్ ట్రాఫిక్ కంట్రోలర్ వెంటనే పైలట్‌ను “స్టాప్, స్టాప్, స్టాప్” అంటూ హెచ్చరించాడు. ఈ సమయంలో జట్టు సభ్యులతో ప్రయాణిస్తున్న ‘కీ లైమ్ ఎయిర్ ఫ్లైట్ 563’ విమానం రన్‌వేపై నిలిచిపోయింది. అదే సమయంలో ఎంబ్రేయర్ ఈ135 విమానం టేకాఫ్ కావడంతో పెను ప్రమాదం తప్పింది.
ఈ ఘటన శుక్రవారం జరిగిందని, అయితే ఆలస్యంగా వెలుగులోకి వచ్చిందని అధికారులు వెల్లడించారు. లాస్ ఏంజిల్స్ అంతర్జాతీయ విమానాశ్రయంలో రన్‌వేపై విమానాల కదలికల సమన్వయ లోపం కారణంగా ఈ పరిస్థితి తలెత్తిందని ప్రాథమికంగా భావిస్తున్నారు. ఈ ఘటనపై ఫెడరల్ ఏవియేషన్ అడ్మినిస్ట్రేషన్ (ఎఫ్ఏఏ) దర్యాప్తు ప్రారంభించింది.
గత పది రోజులుగా వరుసగా విమాన ప్రమాదాలు చోటుచేసుకోవడం గమనార్హం. దక్షిణ కొరియాలో జరిగిన ఘోర ప్రమాదం, లాస్ ఏంజిల్స్‌లో పెను ప్రమాదం తృటిలో తప్పడం, విమాన ప్రయాణ సురక్షితతపై పలు ప్రశ్నలను లేవనెత్తుతున్నాయి. ఇలాంటి సంఘటనలు విమాన ప్రయాణాల నిర్వహణలో మరింత శ్రద్ధ అవసరమని స్పష్టం చేస్తున్నాయి.
🚨 “STOP STOP STOP!” LAX ATC urgently called out to a Key Lime Air jet as a Delta jet took off from runway 24L. Was this a runway incursion? All of it captured live during Friday’s Airline Videos Live broadcast. pic.twitter.com/5vwQfVzggQ
— AIRLINE VIDEOS (@airlinevideos) December 28, 2024
