పార్లమెంట్ శీతాకాల సమావేశాల రెండవ రోజున ప్రతిపక్షాల నిరసనల కారణంగా తలెత్తిన ప్రతిష్టంభన ముగిసింది. ఎన్నికల సంస్కరణలపై చర్చకు సిద్ధమని కేంద్ర ప్రభుత్వం ప్రకటించడంతో ఉభయ సభల కార్యకలాపాలు సాఫీగా సాగేందుకు మార్గం సుగమమైంది.
ప్రతిపక్షాలు దేశవ్యాప్తంగా జరుగుతున్న స్పెషల్ ఇంటెన్సివ్ రివిజన్ (SIR) ఆఫ్ ఎలక్టోరల్ రోల్స్ (ఓటరు జాబితాల ప్రత్యేక ఇంటెన్సివ్ సవరణ)పై తక్షణమే చర్చ జరపాలని డిమాండ్ చేయడంతో రెండు రోజులుగా ఉభయ సభల్లో కార్యకలాపాలకు అంతరాయం కలిగింది.
సమావేశంలో తీసుకున్న కీలక నిర్ణయాలు
ఈ నేపథ్యంలో లోక్సభ స్పీకర్ ఓం బిర్లా అధ్యక్షతన జరిగిన అఖిలపక్ష సమావేశంలో ఈ క్రింది నిర్ణయాలు తీసుకున్నారు.
-
చర్చాంశం విస్తరణ: ప్రతిపక్షం డిమాండ్ చేసిన SIR అంశాన్ని “ఎన్నికల సంస్కరణలు” (Electoral Reforms) అనే విస్తృత అంశం కింద చర్చించడానికి ప్రభుత్వం అంగీకరించింది. ఎలక్షన్ కమిషన్ పరిధిలోని పరిపాలనాపరమైన అంశమైన SIRను మాత్రమే కాకుండా, ఎన్నికల ప్రక్రియలో విస్తృతమైన సంస్కరణలపై చర్చకు ఇది వీలు కల్పిస్తుంది.
-
చర్చా తేదీ: లోక్సభలో ఎన్నికల సంస్కరణలపై చర్చను డిసెంబర్ 9, మంగళవారం రోజున చేపట్టాలని నిర్ణయించారు.
-
సమయం కేటాయింపు: ఈ చర్చ కోసం 10 గంటల సమయాన్ని కేటాయించారు.
-
ముందుగా జరిగే చర్చ: ఎన్నికల సంస్కరణలపై చర్చకు ముందు, డిసెంబర్ 8, సోమవారం రోజున వందేమాతరం 150వ వార్షికోత్సవంపై ప్రత్యేక చర్చ జరుగుతుంది. ఈ చర్చను ప్రధానమంత్రి నరేంద్ర మోదీ ప్రారంభించే అవకాశం ఉంది.
-
‘సర్’ పై కీలక చర్చ: అలాగే సర్పై ఈ నెల 9న చర్చకు అధికార పక్షం అంగీకరించింది.
అయితే, కేవలం ‘సర్’ పైనే కాకుండా ఎన్నికల సంస్కరణలపై చర్చకు సిద్ధమేనని తాము ఇప్పటికే ప్రకటించామని, అన్ని పార్టీలతో జరిగిన అఖిలపక్ష సమావేశం, లోక్సభ స్పీకర్ అధ్యక్షతన జరిగిన బీఏసీ సమావేశంలో ఈ నిర్ణయం తీసుకున్నట్టు మంత్రి కిరణ్ రిజిజు తెలిపారు.
