భారత్ ముక్కలు కాకుండా కాపాడింది ‘వందేమాతరం’ నినాదం – ప్రధాని మోదీ

December 8, 2025

పార్లమెంట్ శీతాకాల సమావేశాల్లో భాగంగా ఆరో రోజున ‘వందే మాతరం’ జాతీయ గేయం 150 ఏళ్లు పూర్తి చేసుకున్న సందర్భంగా లోక్‌సభ మరియు రాజ్యసభల్లో దీనిపై ప్రత్యేక చర్చ జరిగింది. ఈ సందర్భంగా వందేమాతరం గేయానికి పునర్‌ వైభవం రావాలని ప్రధానమంత్రి నరేంద్ర మోదీ ఆకాంక్షించారు.

ప్రధాని మోదీ ప్రసంగం ముఖ్యాంశాలు

గర్వకారణం: వందేమాతరం 150 ఏళ్ల ఉత్సవాలపై లోక్‌సభలో జరిగిన చర్చలో పాల్గొనడం తనకు గర్వకారణమని ప్రధాని మోదీ అన్నారు.
స్వాతంత్య్ర పోరాట గళం: బంకించంద్ర చటర్జీ రాసిన ‘వందేమాతరం’ గేయం స్వాతంత్ర్య పోరాటంలో భారతీయుల గొంతుకగా నిలిచిందని, మొత్తం దేశానికి శక్తిని, ప్రేరణను ఇచ్చిందని పేర్కొన్నారు.
చారిత్రక సందర్భాలు:
- వందేమాతరం 50 సంవత్సరాలు పూర్తి చేసుకున్నప్పుడు దేశం వలస పాలనలో ఉందని గుర్తు చేశారు.
- 100వ వార్షికోత్సవం సందర్భంగా దేశం అత్యవసర పరిస్థితి (ఎమర్జెన్సీ)లో ఉందని తెలిపారు.
పునరుజ్జీవనం, విజన్: వందేమాతరం దేశానికి పునరుజ్జీవాన్ని ఇచ్చిందని, ఆజాద్ భారత్‌కు విజన్‌గా మారిందని ప్రధాని కొనియాడారు. ‘గాడ్ సేవ్ ద క్వీన్’ గీతానికి పోటీగా వందేమాతరం గర్వంగా నిలబడిందని తెలిపారు.
భవిష్యత్ స్ఫూర్తి: 2047 నాటి ‘వికసిత్ భారత్’ లక్ష్యాన్ని నెరవేర్చాలంటే వందేమాతరం స్ఫూర్తి ఎంతో అవసరమని ప్రధాని మోదీ ఉద్ఘాటించారు. నేటి చర్చలు భవిష్యత్ తరానికి స్ఫూర్తిని ఇస్తాయని ఆశాభావం వ్యక్తం చేశారు.
దేశ ఐక్యత: “జననీ జన్మభూమిశ్చ” అన్న రాముడి మాటలకు మరో రూపం వందేమాతరమని, భారత్ ముక్కలు కాకుండా ఈ నినాదం సాయం చేసిందని తెలిపారు. బెంగాల్ ఐక్యతకు ఈ గేయం పాత్ర ఎనలేనిదని పేర్కొన్నారు.
బ్రిటిషర్ల దారుణాలు: వందేమాతర నినాదం పలకకూడదని నిషేధం విధించినా, నిషేధం, ఆజ్ఞలు పట్టించుకోకుండా ప్రజలు పోరాటం చేశారని ప్రధాని గుర్తు చేశారు. ఈ నినాదాలు వినలేక బ్రిటిషర్లు దారుణాలకు పాల్పడ్డారని, ఉద్యమకారులను కఠినంగా అణచివేశారని వివరించారు.