టీమిండియా మాజీ కోచ్ రవి శాస్త్రి, విరాట్ కోహ్లీ, స్టీవ్ స్మిత్‌లను అత్యంత ప్రమాదకరమైన బ్యాటర్లుగా అభివర్ణించాడు. ప్రస్తుతం ఈ ఇద్దరూ పరుగుల దాహంతో ఉన్నారని, క్రీజులో 40 నిమిషాలు గడిపితే పెద్ద ఇన్నింగ్స్‌లు ఆడగలరని చెప్పాడు. భారత్-ఆస్ట్రేలియా ఐదు టెస్ట్‌ల బోర్డర్-గవాస్కర్ ట్రోఫీలో కోహ్లీ, స్మిత్ నిలకడలేమి ప్రదర్శన కనబరుస్తున్నా, ఈ సిరీస్‌లో చెరో శతకంతో తమ ప్రతిభను చాటారు. గురువారం మెల్‌బోర్న్ వేదికగా నాలుగో టెస్ట్ ప్రారంభం కానుండగా, ఈ మ్యాచ్‌లో వీరు చెలరేగతారనే ఆశాభావం వ్యక్తం చేశారు.
రవి శాస్త్రి మాట్లాడుతూ, “కోహ్లీ, స్మిత్ ప్రస్తుతం స్థిరమైన ఫార్మ్‌లో లేరు. జో రూట్, కేన్ విలియమ్సన్, హ్యారీ బ్రూక్ వంటి యువ బ్యాటర్లు ఫ్యాబ్ 4లో చోటు కోసం పోటీపడుతున్నారు. అయినా ఈ సీనియర్ బ్యాటర్లు నైపుణ్యంతో మళ్లీ పుంజుకుంటారు. వారు ఒక్కసారి సెట్ అయితే, ప్రత్యర్థులపై దాడి చేసి భారీ ఇన్నింగ్స్‌లు ఆడగలరు” అని అభిప్రాయపడ్డాడు.
పెర్త్‌లో తొలి టెస్ట్‌లో కోహ్లీ శతకం సాధించినప్పటికీ, అడిలైడ్, గబ్బా వేదికలపై విఫలమయ్యాడు. ముఖ్యంగా, ఔట్‌సైడ్ ఆఫ్ స్టంప్ బాల్స్‌ను ఆడే ప్రయత్నంలో వికెట్ కోల్పోవడం అతడి ప్రధాన సమస్యగా మారింది. అదే విధంగా, స్మిత్ కూడా ఇటువంటి సమస్యలను ఎదుర్కొంటున్నాడు. ఫ్యాబ్ 4లో మిగిలిన ఇద్దరు బ్యాటర్లు శతకాలతో అదరగొడుతుండగా, కోహ్లీ, స్మిత్ టెస్ట్ ర్యాంకింగ్స్‌లో వెనుకబడ్డారు.
మాథ్యూ హెడెన్ సూచనలు:
ఆస్ట్రేలియా మాజీ క్రికెటర్ మాథ్యూ హెడెన్ కోహ్లీకి సచిన్ టెండూల్కర్‌ను ఆదర్శంగా తీసుకోవాలని సూచించాడు. “ఆఫ్ సైడ్ బంతులను ఆడే ప్రయత్నం చేయడం కోహ్లీకి తీవ్ర నష్టాన్ని కలిగిస్తోంది. సచిన్ టెండూల్కర్ గతంలో ఇలాంటి సమస్యను ఎదుర్కొన్నప్పుడు కవర్ డ్రైవ్ షాట్లను ఆడటాన్ని మానేసాడు. కోహ్లీ కూడా అదే విధంగా ఆఫ్ సైడ్ బంతులను వదిలేయడం నేర్చుకోవాలి” అని హెడెన్ అన్నాడు.
మెల్‌బోర్న్ పిచ్ బ్యాటింగ్‌కు అనుకూలంగా ఉంటుందని, కోహ్లీ తన ఆటతీరులో మార్పులు చేస్తే పరుగులు చేయడం పెద్ద కష్టమేమీ కాదని హెడెన్ అభిప్రాయపడ్డాడు. ఈ మ్యాచ్‌లో కోహ్లీ, స్మిత్ రాణిస్తే వారి ఫ్యాన్స్‌కు ఇది అద్భుతమైన ట్రీట్ కానుంది.
ఇక బోర్డర్-గవాస్కర్ ట్రోఫీలో నాలుగో టెస్ట్ కోసం టీమిండియా పూర్తి ఆత్మవిశ్వాసంతో ఉంది. ఐదు టెస్ట్‌ల సిరీస్‌లో ఇరు జట్లు చెరో మ్యాచ్ గెలిచి 1-1తో సమంగా నిలిచాయి. మూడో టెస్ట్‌లో టెయిలెండర్ల అసాధారణ ప్రదర్శనతో ఓటమి నుంచి తప్పించుకున్న టీమిండియా, బాక్సింగ్ డే టెస్ట్‌లో ఆసీస్‌ను ఓడించేందుకు వ్యూహాలు రచిస్తోంది. తుది జట్టులో బౌలింగ్ విభాగాన్ని బలపరిచేందుకు నితీష్ కుమార్ రెడ్డిని పక్కన పెట్టి, వాషింగ్టన్ సుందర్‌ను స్పిన్నర్‌గా తీసుకోవాలని భావిస్తోంది. రవీంద్ర జడేజా మరో స్పిన్నర్‌గా కొనసాగుతారు.
కెప్టెన్ రోహిత్ శర్మ మళ్లీ ఓపెనర్‌గా బరిలోకి వచ్చే అవకాశం ఉంది. అతని గైర్హాజరీలో కేఎల్ రాహుల్ రాణించగా, రోహిత్ రెండో టెస్ట్ నుంచి మిడిలార్డర్‌లో ఆడాడు. అయితే, రోహిత్ పర్ఫార్మెన్స్ నిరాశ కలిగించడంతో మేనేజ్‌మెంట్ ఈ మార్పు నిర్ణయించింది. పేస్ విభాగంలో జస్‌ప్రీత్ బుమ్రా, మహమ్మద్ సిరాజ్, ఆకాశ్ దీప్ జట్టులో కొనసాగుతారు. సిరాజ్‌కు విశ్రాంతి ఇచ్చినట్లయితే హర్షిత్ రాణా తుది జట్టులోకి వచ్చే అవకాశం ఉంది.
🚨 UPDATE ON TEAM INDIA FOR BOXING DAY TEST MATCH 🚨 (Sahil Malhotra/TOI).
– Rohit Sharma Very likely to open with Jaiswal.
– KL Rahul will bat at No.3.
– India will go with 2 Spinners.
– Sundar is likely to replace Nitish Reddy. pic.twitter.com/EO6Xe2Cu8v— Tanuj Singh (@ImTanujSingh) December 25, 2024
