కరోనా వల్ల తెలంగాణ రాష్ట్రానికి జరిగిన ఆర్థిక నష్టంపై ముఖ్యమంత్రి కె.చంద్రశేఖర్ రావు ఈ రోజు మధ్యాహ్నం 2 గంటల నుండి ప్రగతిభవన్ లో సమీక్ష నిర్వహించనున్నారు. అలాగే 2020-2021 బడ్జెట్ పై కూడా మధ్యంతర సమీక్ష జరుపుతారు. రాష్ట్రంలో కరోనా ప్రభావం నేపథ్యంలో తీసుకోవాల్సిన చర్యలపై, సవరించుకోవాల్సిన అంశాలపై సీఎం కేసీఆర్ కూలంకషంగా చర్చ జరుపనున్నారు. ఈ సమీక్షలో రాష్ట్ర ప్రభుత్వ ప్రధాన కార్యదర్శి, ఆర్థిక శాఖ ముఖ్య కార్యదర్శి, ప్రణాళిక సంఘం ఉపాధ్యక్షుడు, ఆర్థిక శాఖ అధికారులు పాల్గొననున్నారు. మరోవైపు ఈ రోజు జరిగే సమీక్షలో వచ్చే అంచనాలకు అనుగుణంగా ఆదివారం నాడు మంత్రులు, అన్ని శాఖల కార్యదర్శులతో సీఎం కేసీఆర్ సమావేశమయ్యే అవకాశం ఉంది.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
