కోరుట్ల ఎమ్మెల్యే విద్యాసాగర్‌రావు ఇంట్లో స్వల్ప అగ్నిప్రమాదం

January 8, 2022

కోరుట్ల టీఆర్ఎస్ ఎమ్మెల్యే విద్యాసాగర్ రావు ఇంట్లో తృటిలో పెను ప్రమాదం తప్పింది. ఈ రోజు (శనివారం) తెల్లవారుజామున వారి పంటగదిలో స్వల్ప అగ్నిప్రమాదం చోటు చేసుకుంది. సంక్రాంతి పండగని పురస్కరించుకొని పిండివంటలు చేస్తుండగా గ్యాస్ లీకై ఒక్కసారిగా మంటలు ఎగిసిపడ్డాయి. సమాచారం అందుకున్న అగ్నిమాపక సిబ్బంది వెంటనే ఎమ్మెల్యే ఇంటికి చేరుకుని మంటలను అదుపులోకి తీసుకువచ్చారు. ఈ ప్రమాదంలో ఎమ్మెల్యే సతీమణి సరోజకు మంటలు అంటుకున్నాయి. ఎమ్మెల్యే భార్య సరోజకు స్వల్పగాయాలు కావడంతో.. వెంటనే బంధువులు ఆమెను హైదరాబాద్‎లోని ఓ ఆస్పత్రికి తరలించారు.