మూవీ ఆర్టిస్ట్స్‌ అసోసియేషన్ (మా) ఎన్నికలు : నటుడు ప్రకాశ్‌ రాజ్‌ ప్యానెల్ ఇదే…

September 4, 2021

తెలుగు సినీపరిశ్రమకు సంబంధించిన మూవీ ఆర్టిస్ట్స్‌ అసోసియేషన్ (మా) ఎన్నికలను అక్టోబర్ 10, ఆదివారం నాడు నిర్వహించనున్నట్టు ఇటీవల ప్రకటించిన సంగతి తెలిసిందే. ‘మా’ ఎన్నికల తేదీ ఖరారు కావడంతో అధ్యక్ష పదవికి పోటీచేసే అభ్యర్థులు ప్యానెల్ ఏర్పాటు, ప్రచారంపై దృష్టి సారించారు. ఈ నేపథ్యంలో ‘మా’ అధ్యక్ష పదవికి పోటీచేస్తున్న విలక్షణ నటుడు ప్రకాశ్‌ రాజ్‌ శుక్రవారం నాడు విలేకరుల సమావేశం ఏర్పాటు చేసి తన ప్యానెల్ ను ప్రకటించారు.

ముందుగా గత కొన్నిరోజులుగా నటి జీవిత రాజశేఖర్, నటి హేమ కూడా మా అధ్యక్ష ఎన్నికల బరిలోకి దిగనున్నట్టు ప్రచారం జరిగింది. అయితే వారు అధ్యక్ష పదవికి పోటీ చేయడం లేదని, తన ప్యానల్‌ నుంచి బరిలోకి దిగుతున్నట్లు ప్రకాశ్‌ రాజ్‌ తెలిపారు. సినిమా పరిశ్రమకు ఎంతో చేయాలని ఉందని, తమకు అవకాశం ఇస్తే చేసి చూపిస్తామని అన్నారు. అలాగే సిని’మా’ బిడ్డలు పేరుతో 26 మందితో కూడిన తన ప్యానెల్ సభ్యుల వివరాలను ప్రకాశ్‌ రాజ్‌ వెల్లడించారు.