రామ్‌చరణ్ ‌కు కరోనా నెగటివ్ గా నిర్ధారణ

January 12, 2021

ప్రముఖ యువ కథానాయకుడు, మెగా పవర్ స్టార్ రామ్‌చరణ్ కు ఇటీవల కరోనా పాజిటివ్ గా నిర్ధారణ అయిన సంగతి తెలిసిందే. కాగా రామ్‌చరణ్ కరోనా నుంచి కోలుకున్నారు. తాజాగా ఆయనకు నిర్వహించిన కరోనా పరీక్షలో ఫలితం నెగెటివ్ గా వచ్చింది. ఈ విషయాన్ని రామ్‌చరణ్ ట్విట్టర్ ద్వారా వెల్లడించారు. “నాకు కరోనా నెగటివ్‌ గా నిర్ధారణ అయిన విషయాన్ని పంచుకోవడం చాలా సంతోషంగా ఉంది. అతి త్వరలోనే మళ్ళీ షూటింగ్ లో పాల్గొంటాను. కరోనా నుంచి కోలుకోవాలని శుభాకాంక్షలు తెలియజేసిన ప్రతి ఒక్కరికి ధన్యవాదాలు” అని రామ్‌చరణ్ ట్వీట్ చేశారు.