తెలంగాణ ఖ్యాతిని ప్రపంచానికి చాటిచెప్పే లక్ష్యంతో హైదరాబాద్లోని ఫ్యూచర్ సిటీలో ప్రారంభమైన ‘తెలంగాణ రైజింగ్ గ్లోబల్ సమ్మిట్’ తొలి రోజు (సోమవారం) పెట్టుబడుల సునామీని సృష్టించింది. ఒక్క రోజులోనే రాష్ట్రానికి భారీ స్థాయిలో పెట్టుబడులు తరలివచ్చాయి.
సదస్సు తొలి రోజున రూ. 3,97,500 కోట్ల పెట్టుబడులకు పలు దేశీయ, అంతర్జాతీయ కంపెనీలు తెలంగాణ ప్రభుత్వంతో ఒప్పందాలు (ఎంఓయూలు) కుదుర్చుకున్నాయి. ముఖ్యమంత్రి రేవంత్రెడ్డి, ఉప ముఖ్యమంత్రి మల్లు భట్టి విక్రమార్క, ఐటీ, పరిశ్రమల శాఖ మంత్రి దుద్దిళ్ల శ్రీధర్బాబు సమక్షంలో ఈ ఒప్పంద పత్రాలను మార్చుకున్నారు.
“తెలంగాణ గ్లోబల్ సమ్మిట్ – 2025” వేదిక పై తొలి రోజు పలు సంస్థలతో పెట్టుబడులకు MOUలు.#TelanganaGlobalSummit2025 #TelanganaRising #Telangana pic.twitter.com/rHZOU0jFpM
— Revanth Reddy (@revanth_anumula) December 8, 2025
ముఖ్యమైన రంగాలలో భారీ పెట్టుబడులు
తొలి రోజు కుదిరిన ఒప్పందాలలో కీలకమైన పెట్టుబడుల వివరాలు:
-
ట్రంప్ మీడియా, టెక్నాలజీ గ్రూప్ (TMTG):
-
పెట్టుబడి: రూ. 41,000 కోట్లు
-
లక్ష్యం: డిజిటల్ మౌలిక సదుపాయాలు, ఏఐ ఆధారిత గవర్నెన్స్ సిస్టమ్, మీడియా టెక్నాలజీలతో కూడిన ఫ్యూచర్ స్మార్ట్ నగరాల అభివృద్ధి.
-
-
డీప్ టెక్, ఫ్యూచర్ సిటీ, కోర్ ఇన్ఫ్రాస్ట్రక్చర్:
-
పెట్టుబడి: రూ. 1,04,000 కోట్లు ( ఇందులో బ్రూక్ఫీల్డ్/యాక్సిస్ వెంచర్స్ కన్సార్షియం రూ. 75,000 కోట్లు, విన్ గ్రూప్ రూ. 27,000 కోట్లు ఉన్నాయి)
-
-
రిలయన్స్ గ్రూప్ ‘వంతార’:
-
లక్ష్యం: తెలంగాణ ప్రభుత్వంతో భాగస్వామ్యంతో ప్రపంచస్థాయి వన్యప్రాణుల సంరక్షణ, నైట్ సఫారీ ఏర్పాటు. దీని ద్వారా పర్యాటకం పెరిగి, స్థానికంగా ఉద్యోగాలు వస్తాయి.
-
-
సల్మాన్ ఖాన్ వెంచర్స్:
-
పెట్టుబడి: రూ. 10,000 కోట్లు
-
లక్ష్యం: రాష్ట్రంలో సమీకృత టౌన్షిప్, గోల్ఫ్ కోర్సు, రేస్ కోర్సు, ప్రపంచస్థాయి ఫిల్మ్ స్టూడియో (ప్రొడక్షన్స్, ఓటీటీ కంటెంట్, పోస్ట్ ప్రొడక్షన్ వ్యవస్థ) ఏర్పాటు.
-
-
అపోలో ఆసుపత్రులు:
-
లక్ష్యం: హెల్త్కేర్ రంగాన్ని బలోపేతం చేయడం, వైద్య విద్య విస్తరణ, డిజిటల్ హెల్త్, కమ్యూనిటీ ఆరోగ్యం కోసం తెలంగాణ ప్రభుత్వంతో ఒప్పందం.
-
ముఖ్యంగా: రూ. 800 కోట్లతో డీమ్డ్ టు బి యూనివర్సిటీని నెలకొల్పి, రానున్న పదేళ్లలో 17 వేల మంది పట్టభద్రులను సిద్ధం చేయనుంది.
-
-
సూపర్క్రాస్ ఇండియా సంస్థ:
-
లక్ష్యం: భారత్ ఫ్యూచర్ సిటీలో అంతర్జాతీయస్థాయి నాణ్యతతో కూడిన రేసింగ్, మోటోక్రాస్ సదుపాయాన్ని అభివృద్ధి చేయడం. మోటార్ స్పోర్ట్ హబ్గా హైదరాబాద్ను తీర్చిదిద్దడం.
-
-
యూనివర్సిటీ ఆఫ్ లండన్:
-
లక్ష్యం: తెలంగాణను గ్లోబల్ నాలెడ్జ్ హబ్గా మార్చేందుకు అకడమిక్, పరిశోధనలు, ఉన్నత విద్య, అధ్యాపకుల శిక్షణలో తెలంగాణ ప్రభుత్వంతో ఒప్పందం.
-
సీఎం రేవంత్రెడ్డి స్పందన
ఈ సందర్భంగా సీఎం రేవంత్రెడ్డి మాట్లాడుతూ… 2047 విజన్ కోసం తాము సాంకేతికత, సుస్థిరతపై వ్యూహాత్మకంగా దృష్టి పెట్టామని తెలిపారు. ఈ పెట్టుబడులు ఉద్యోగాల సాధనలో, ప్రపంచస్థాయి మౌలిక వసతుల్లో దేశ ఆర్థిక ప్రయాణానికి తెలంగాణ నాయకత్వం వహించేందుకు ఉపకరిస్తాయని పేర్కొన్నారు.
