తెలంగాణలో కొత్తగా 27 కరోనా కేసులు నమోదు, రికవరీ రేటు 99.43 శాతం

May 24, 2022

తెలంగాణ రాష్ట్రంలో రోజువారీ కరోనా పాజిటివ్ కేసుల నమోదు తగ్గుముఖం పట్టింది. కొత్తగా 27 మందికి కరోనా పాజిటివ్ గా నిర్ధారణ కావడంతో మే 23, సోమవారం సాయంత్రం 5:30 గంటల నాటికీ మొత్తం కరోనా కేసుల సంఖ్య 7,92,898 కి చేరినట్టు రాష్ట్ర వైద్య ఆరోగ్యశాఖ బులెటిన్ విడుదల చేసింది. అలాగే కరోనా నుంచి మరో 52 మంది కోలుకోవడంతో ఇప్పటివరకు రికవరీ అయినవారి సంఖ్య 7,88,415 కి చేరింది.

రాష్ట్రంలో కరోనా రికవరీ రేటు 99.43 శాతంగా, మరణాల రేటు 0.51 శాతంగా ఉంది. కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 4,111 గా ఉంది. ప్రస్తుతం రాష్ట్రంలో 372 యాక్టీవ్ కేసులు ఉన్నాయి. తాజాగా నమోదైన కరోనా పాజిటివ్‌ కేసుల్లో హైదరాబాద్ లో 17, రంగారెడ్డిలో 4, ఆదిలాబాద్ లో 1, జగిత్యాలలో 1, జోగులాంబ గద్వాల్ లో 1, మేడ్చల్ మల్కాజ్ గిరిలో 1, నల్గొండలో 1, హనుమకొండలో 1 నమోదయ్యాయి.