హైదరాబాద్ నగరంలోని హోటళ్లలో ఏమి జరుగుతోంది? ఫుడ్ సేఫ్టీ అధికారులు ఎప్పటికప్పుడు తనిఖీలు నిర్వహిస్తున్నా, రెస్టారెంట్లు, దుకాణాలు నిబంధనలను కట్టుబట్టినట్లు అనిపించడం లేదు. ప్రజల ఆరోగ్యాన్ని దృష్టిలో పెట్టుకోవాల్సిన హోటళ్ల యజమానులు మాత్రం నిబంధనలను తుంగలో తొక్కి, రుచిని ముసుగుగా వేసుకుని ప్రమాదకరమైన కెమికల్స్‌ను విచ్చలవిడిగా వాడుతూ—తమ లాభాలను మాత్రమే చూసుకుంటున్నారు.
తాజాగా లక్డీకపూల్‌, నారాయణగూడ ప్రాంతాల్లో ఫుడ్ సేఫ్టీ టాస్క్ ఫోర్స్ అధికారులు మెరుపు దాడులు నిర్వహించగా, అక్కడి వాస్తవాలు బయటపడ్డాయి. పళ్లెంలో వచ్చే భోజనం వెనుక అసలు కథే వేరు. రెస్టారెంట్లు, హోటళ్లలో వాడుతున్న పదార్థాలు ఆరోగ్యానికి హానికరంగా మారిపోతున్నాయి. తుప్పుపట్టిన పాత్రల్లో వంటకాలు, ఉల్లాసంగా భోజనం చేసే చోటే అపరిశుభ్రత, ఒకే ఫ్రిడ్జ్‌లో వెజ్-నాన్ వెజ్ నిల్వ చేయడం లాంటి అనేక తప్పుడు పనులు వెలుగు చూశాయి.
ఇక భోజనంలో రంగు, రుచి కోసం అదనపు కెమికల్స్ వాడుతున్న దృశ్యాలు అధికారులు చూసి షాక్‌కు గురయ్యారు. ఫుడ్ ఐటమ్స్‌లో హానికరమైన సింథటిక్ కలర్స్ వాడుతున్నట్లు గుర్తించి, హోటల్ అశోక్, ఇండియన్ దర్బార్ సహా పలు రెస్టారెంట్లకు నోటీసులు జారీ చేశారు. ఇక హద్దు మీరి, ఎక్స్‌పైరీ అయిపోయిన ఫుడ్ ప్రొడక్ట్స్‌ను కూడా వినియోగిస్తూ ప్రజల ఆరోగ్యాన్ని హంసగా మార్చేస్తున్న కొన్ని హోటళ్లను సీజ్ చేశారు.
FSSAI నిబంధనలను ఉల్లంఘించి ఆహారాన్ని కల్తీ చేసే వారి పై ఇకపై కఠిన చర్యలు తప్పవని అధికారులు హెచ్చరించారు. వరుసగా జరుగుతున్న ఫుడ్ సేఫ్టీ దాడులతో ప్రజల ప్రాణాలతో చెలగాటమాడే హోటళ్ల యజమానుల గుండెల్లో గుబులు మొదలైంది. మరి, నిజంగా హైదరాబాద్ హోటళ్లలో భద్రంగా భోజనం చేయగలమా?
𝗛𝗼𝘁𝗲𝗹 𝗔𝘀𝗵𝗼𝗸𝗮, 𝗟𝗮𝗸𝗱𝗶𝗸𝗮𝗽𝘂𝗹
03.02.2025* Kitchen walls and floor were found to be untidy. Foul smell observed.
* Cockroach infestation was observed in the kitchen.
* Vessels in kitchen and refrigerator were found to be rusty.
* Synthetic food colours was… pic.twitter.com/SNCZ3G0WKE
— Commissioner of Food Safety, Telangana (@cfs_telangana) February 3, 2025
Task force team has conducted inspections in Narayanaguda area on 03.02.2025.
𝗜𝗻𝗱𝗶𝗮𝗻 𝗗𝘂𝗿𝗯𝗮𝗿 𝗥𝗲𝘀𝘁𝗮𝘂𝗿𝗮𝗻𝘁, 𝗡𝗮𝗿𝗮𝘆𝗮𝗻𝗮𝗴𝘂𝗱𝗮
* Food handlers were found without aprons in kitchen area.
* Boiled eggs were found placed near drains without any covering.… pic.twitter.com/Z9KnuCVHm4
— Commissioner of Food Safety, Telangana (@cfs_telangana) February 3, 2025
