ఏపీ రెండో విడత పంచాయతీ ఎన్నికల్లో 81.67 శాతం పోలింగ్ నమోదు

February 13, 2021

ఆంధ్రప్రదేశ్ రాష్ట్రంలో రెండో విడత పంచాయతీ ఎన్నికల్లో భాగంగా 13 జిల్లాల్లోని 2786 పంచాయతీలకు, 20,817 వార్డులకు పోలింగ్ ప్రశాంతంగా జరిగింది. రెండో విడత పంచాయతీ ఎన్నికల్లో రాష్ట్ర వ్యాప్తంగా 81.67% పోలింగ్ ‌నమోదయినట్టు ఎన్నికల అధికారులు వెల్లడించారు. ఎలాంటి అవాంఛనీయ సంఘటనలు జరగలేదని, అలాగే ఎక్కడా రీ-పోలింగ్ నిర్వహించాల్సిన పరిస్థితులు లేవని ప్రకటించారు. ప్రకాశం జిల్లాలో అత్యధికంగా 86.60 శాతం పోలింగ్ నమోదు కాగా, శ్రీకాకుళం జిల్లాలో అత్యల్పంగా 72.87 శాతం పోలింగ్ నమోదైంది. మరోవైపు సాయంత్రం 4 గంటల నుంచి ఓట్ల లెక్కింపు పక్రియ కొనసాగుతుంది. ఫలితాలు వెలువడిన గ్రామాల్లో ఉప సర్పంచ్ ఎన్నిక కూడా నిర్వహిస్తున్నారు.