అగ్రవర్ణ పేదల సంక్షేమం కోసం ప్రత్యేక శాఖ ఏర్పాటు చేసిన ఏపీ ప్రభుత్వం

November 4, 2021

ఇటీవలే ఆంధ్రప్రదేశ్ ముఖ్యమంత్రి వైఎస్‌ జగన్‌ మోహన్‌ రెడ్డి అధ్యక్షతన జరిగిన ఏపీ కేబినెట్ సమావేశంలో అగ్రవర్ణ పేదల సంక్షేమం కోసం ప్రత్యేక శాఖ ఏర్పాటు, కొత్తగా జైన్‌ మరియు సిక్కుల కార్పొరేషన్ల ఏర్పాటుకు ఆమోదం తెలిపిన విషయం తెలిసిందే. ఈ నేపథ్యంలో ఈడబ్ల్యూఎస్‌ (ఆర్థికంగా వెనుకబడిన) సంక్షేమ శాఖను ఏర్పాటు చేస్తూ మంగళవారం నాడు ఏపీ ప్రభుత్వం ఉత్తర్వులు జారీ చేసింది. కాగా ప్రభుత్వం ఇప్పటికే ఏర్పాటు చేసిన రెడ్డి, కమ్మ, బ్రాహ్మణ, క్షత్రియ, కాపు, ఆర్య వైశ్య కార్పొరేషన్లు ఈ ప్రత్యేక సంక్షేమ శాఖ పరిధిలోకి రానున్నట్టు తెలిపారు. అలాగే జైన్‌ ల, సిక్కుల సంక్షేమానికి కూడా వేర్వేరుగా కార్పోరేషన్లను ఏర్పాటు చేస్తూ ప్రభుత్వం ఉత్తర్వులను జారీ చేసింది.