కరోనా వ్యాక్సినేషన్ లో రికార్డ్, ఏపీ ప్రభుత్వాన్ని ప్రశంసించిన మెగాస్టార్ చిరంజీవి

June 23, 2021

ఆంధ్రప్రదేశ్ రాష్ట్రంలో జూన్ 20 ఆదివారం నాడు చేపట్టిన మెగా కరోనా వ్యాక్సినేషన్ డ్రైవ్ లో 13 లక్షల మందికి పైగా (13,72,481) కరోనా వ్యాక్సిన్ వేసి సరికొత్త రికార్డ్ సృష్టించిన సంగతి తెలిసిందే. ఈ డ్రైవ్ లో 12 ,85,394 మందికి మొదటి డోసు కరోనా వ్యాక్సిన్ వేయగా, 87,087 మందికి రెండో డోసు కరోనా వ్యాక్సిన్ వేశారు. ఈ నేపథ్యంలో ఏపీలో ఒకేరోజున 13.72 లక్షల మందికి వ్యాక్సిన్‌ వేయడం పట్ల ప్రముఖ నటుడు, మెగాస్టార్‌ చిరంజీవి సంతోషం వ్యక్తం చేశారు. ఈ మేరకు ఆయన ట్వీట్ చేశారు.

“ఆంధ్రప్రదేశ్‌లోని ఆరోగ్య బృందాలు ఒకే రోజులో 13.72 లక్షల మందికి కరోనా వ్యాక్సిన్ వేసి అద్భుతమైన ఘనత సాధించడం చాలా సంతోషంగా ఉంది. మీ ప్రయత్నాలు కరోనా మహమ్మారిని ఓడించడంపై ప్రతి ఒక్కరిలో విశ్వాసాన్ని నింపుతాయి. టీం ఏపీ ఇలాగే ముందుకెళ్లాలి. మీకు మరింత శక్తి కలగాలి. ఆదర్శవంతమైన పరిపాలన కొనసాగిస్తున్న ముఖ్యమంత్రి వైఎస్‌ జగన్‌ మోహన్‌ రెడ్డికి శుభాకాంక్షలు” అని చిరంజీవి ట్వీట్‌ చేశారు.

So happy at the fabulous feat of vaccinating over 13.72 lac people in a single day by Health teams in #AndhraPradesh.Your efforts fill confidence in everyone about defeating the Covid monster! Way to go TeamAP. More Power to You!Congrats to Sri @ysjagan for inspiring leadership.

— Chiranjeevi Konidela (@KChiruTweets) June 22, 2021