తెలంగాణ రాష్ట్రంలో సినిమా థియేటర్లు, మల్టీఫ్లెక్సులు తెరిచేందుకు అనుమతి ఇస్తూ రాష్ట్రప్రభుత్వం నిర్ణయం తీసుకుంది. కంటైన్మెంట్ జోన్ల మినహా మిగిలిన అన్ని ప్రాంతాల్లో 50 శాతం సీటింగ్ సామర్థ్యంతో థియేటర్లు, మల్టీఫ్లెక్సులు తిరిగి తెరుచుకోవచ్చని ప్రకటించారు. ఈ నిర్ణయం తక్షణమే అమల్లోకి వస్తుందని తెలిపారు. ఈ మేరకు సోమవారం నాడు రాష్ట్ర ప్రభుత్వ ప్రధాన కార్యదర్శి సోమేశ్ కుమార్ ఉత్తర్వులు జారీ చేశారు.
సినిమా థియేటర్లు/మల్టీప్లెక్స్‌ల యాజమాన్యం పాటించాల్సిన నిబంధనలు:
- ప్రేక్షకులు, థియేటర్ సిబ్బంది, విక్రేతలు ఇలా అందరూ అన్ని సమయాల్లో మాస్కులు ధరించేలా చూడాలి.
- హ్యాండ్ శానిటైజర్లను ఎంట్రీ/ఎగ్జిట్ పాయింట్లు సహా కామన్ ప్రాంతాలలో అందుబాటులో ఉంచాలి.
- భౌతిక దూరం పాటించడంతో పాటుగా ప్రేక్షకులు గుంపుగూడకుండా చర్యలు తీసుకోవాలి.
- ప్రతి స్క్రీనింగ్ తరువాత మొత్తం ప్రాంగణం, ముఖ్యంగా కామన్ ప్రాంతాలను శానిటైజ్ చేయాలి.
- అన్ని ఎయిర్ కండిషనింగ్ (ఏసీలు) పరికరాల ఉష్ణోగ్రత సెట్టింగ్ 24-30 డిగ్రీల సెల్సియస్ పరిధిలో ఉండాలి. సాపేక్ష ఆర్ద్రత 40-70 శాతం పరిధిలో ఉండాలి. సాధ్యమైనంత వరకు స్వచ్ఛమైన గాలి వచ్చేలా ఏర్పాట్లు చేయాలి.
- మల్టీఫ్లెక్సులు/థియేటర్ కాంప్లెక్స్ లో వేర్వేరు ప్రదర్శనల(షోలు) ఇంటర్వల్ సమయం ఒకేసారి రాకుండా, షో టైమింగ్స్ ఏర్పాటు చేసుకోవాలి.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
