తెలంగాణలో గ్రూప్‌-2 నోటిఫికేషన్‌ విడుదల, 783 పోస్టుల భర్తీ, పూర్తి వివరాలివే…

December 30, 2022

తెలంగాణ రాష్ట్రంలో నిరుద్యోగులకు మరో గుడ్ న్యూస్ అందింది. రాష్ట్రంలో ఇప్పటీకే గ్రూప్-1, గ్రూప్‌-4 నోటిఫికేషన్స్ విడుదల కాగా తాజాగా గ్రూప్‌-2 నోటిఫికేషన్‌ కూడా విడుదల అయింది. గ్రూప్-2 కింద 783 పోస్టుల భర్తీకి తెలంగాణ రాష్ట్ర పబ్లిక్ సర్వీస్ కమిషన్ (టీఎస్‌పీఎస్సీ) గురువారం నోటిఫికేషన్ విడుదల చేసింది. ఇందులో మున్సిపల్‌ కమిషనర్‌ గ్రేడ్‌–3, అసిస్టెంట్‌ కమర్షియల్‌ ట్యాక్స్‌ ఆఫీసర్, నాయిబ్‌ తహసీల్దార్‌ సహా పలు విభాగాలకు చెందిన పోస్టులు ఉన్నాయి. ఈ పోస్టుల కోసం అర్హులైన అభ్యర్థులంతా కమిషన్ వెబ్‌సైట్‌ లో https://.tspsc.gov.in/ లో ఉంచే నిర్ణిత ప్రొఫార్మాలో జనవరి 18వ తేదీ నుంచి ఫిబ్రవరి 16వ తేదీ సాయంత్రం 5 గంటల వరకు దరఖాస్తు చేసుకోవాలని టీఎస్‌పీఎస్సీ సూచించింది. అలాగే గ్రూప్-2 పరీక్ష విధానంలో నాలుగు పేపర్స్ ఉండనున్నాయి. పూర్తి వివరణాత్మక నోటిఫికేషన్ ను టీఎస్‌పీఎస్సీ వెబ్‌సైట్‌ లో అందుబాటులో ఉంచారు.