ఆరుగురు యంగ్ క్రికెట‌ర్ల‌కు థార్ ఎస్‌యూవీ కార్లు, ఆనంద్ మ‌హీంద్ర గిఫ్ట్

January 23, 2021

బోర్డర్‌-గావస్కర్‌ ట్రోఫీలో భాగంగా ఆస్ట్రేలియాతో జరిగిన నాలుగు టెస్టుల సిరీస్‌ ను భారత్ 2-1 తో గెలుచుకున్న సంగతి తెలిసిందే. ఈ చారిత్రక విజయాన్ని సాధించిన టీమిండియాకు ఇంకా శుభాకాంక్షలు వెల్లువెత్తుతూనే ఉన్నాయి. తాజాగా ప్రముఖ వ్యాపారవేత్త, మ‌హేంద్ర సంస్థ చైర్మన్ ఆనంద్ మ‌హేంద్ర టీమిండియాలోని ఆరుగురు ఆటగాళ్లకు థార్ ఎస్‌యూవీ కార్ల‌ను బహుమతిగా ఇస్తున్న‌ట్లు ప్రకటించారు. ఈ సిరీస్ లో అరంగ్రేట్రం చేసి అద్భుతమైన ప్రదర్శన చేసిన మ‌హ‌మ్మ‌ద్ సిరాజ్‌, న‌ట‌రాజ‌న్‌, న‌వ‌దీప్ సైనీ, వాషింగ్ట‌న్ సుంద‌ర్, ‌శార్దూల్ ఠాకూర్‌, శుభ్‌మ‌న్ గిల్‌ లకు మ‌హేంద్ర ఎస్‌యూవీలను‌ అందజేస్తున్నట్టు తెలిపారు. ఈ మేరకు ఆనంద్ మహేంద్ర ట్వీట్ చేశారు.

కలలు కనడం, అసాధ్యాన్ని సాధ్యం చేసుకోవడం ఎలాగో దేశంలోని భవిష్యత్ తరాల యువతకు ఈ ఆటగాళ్లు ఆద‌ర్శంగా నిలిచార‌ని చెప్పారు. వారివి నిజమైన ప్రేరణ కథలని పేర్కొన్నారు. అసమానతలను అధిగమించి వారు సాధించిన విజయం, అన్ని రంగాల వారి జీవితాల్లో ప్రేరణగా నిలుస్తుందన్నారు. అరంగ్రేట్రంలోనే గొప్ప ప్రదర్శన చేసిన ఈ ఆరుగురు ఆటగాళ్లకు కంపెనీకి ఎటువంటి ఖర్చు లేకుండా, స్వంత ఖర్చుతో ఆల్ న్యూ థార్ ఎస్‌యూవీని బహుమతిగా ఇవ్వడం తనకు వ్యక్తిగతంగా ఎంతో ఆనందాన్ని ఇస్తుందని ఆనంద్ మహేంద్ర పేర్కొన్నారు.

Six young men made their debuts in the recent historic series #INDvAUS (Shardul’s 1 earlier appearance was short-lived due to injury)They’ve made it possible for future generations of youth in India to dream & Explore the Impossible (1/3) pic.twitter.com/XHV7sg5ebr

— anand mahindra (@anandmahindra) January 23, 2021

The reason for this gift is to exhort young people to believe in themselves & ‘Take the road less traveled.’ Bravo Mohammed, Shardul, Shubhman,Natarajan,Navdeep & Washington! I now plead with @Mahindra_Auto to get them their THARS on priority. 😊 (3/3)

— anand mahindra (@anandmahindra) January 23, 2021