కేంద్ర హోమ్ శాఖ మంత్రి అమిత్ షా కు జన్మదిన శుభాకాంక్షలు తెలిపిన పవన్ కళ్యాణ్

October 22, 2022

బీజేపీ కీలక జాతీయ నేత, కేంద్ర హోమ్ శాఖ మంత్రి అమిత్ షా కు జనసేన అధినేత పవన్ కళ్యాణ్ జన్మదిన శుభాకాంక్షలు తెలిపారు. ఈ మేరకు ఆయన ఒక ప్రకటన విడుదల చేశారు. “దేశ సమగ్రత, అంతర్గత భద్రత కోసం అవిరళ కృషిసల్పుతున్న కేంద్ర హోమ్ శాఖ మంత్రి అమిత్ షా కు హృదయపూర్వక జన్మదిన శుభాకాంక్షలు. ఉక్కు సంకల్పంతో సైద్ధాంతిక బలంతో అమిత్ షా తీసుకొంటున్న నిర్ణయాలు శాంతిభద్రతలు సుస్థిరం కావడానికి, తద్వారా దేశాభివృద్ధికి ఎంతో దోహదం చేస్తున్నాయి. వారి నాయకత్వంలో దేశం పటిష్టంగా రూపుదిద్దుకొంటుందని విశ్వసిస్తున్నాను. అమిత్ షా మరిన్ని ఉన్నత స్థానాలు అధిరోహించాలని, ఆయనకు ఆయురారోగ్యాలు భగవంతుడు ప్రసాదించాలని ప్రార్థిస్తున్నాను” అని పవన్ కళ్యాణ్ పేర్కొన్నారు.