కరోనా: తెలంగాణలో 33 వేలు దాటిన పాజిటివ్ కేసులు, 348 కి పెరిగిన మరణాలు

July 12, 2020

తెలంగాణలో కరోనా వైరస్ ప్రభావం కొనసాగుతోంది. రాష్ట్రంలో మరో 1178 కరోనా పాజిటివ్ కేసులు నమోదవడంతో జూలై 11, శనివారం సాయంత్రం 5 గంటల నాటికీ మొత్తం కేసుల సంఖ్య 33,402 కి చేరినట్టు రాష్ట్ర వైద్య ఆరోగ్యశాఖ బులెటిన్ విడుదల చేసింది. శనివారం నాడు 11,062 శాంపిల్స్ పరీక్షించగా 9884 మందికి నెగటివ్ వచ్చినట్టుగా పేర్కొన్నారు. అలాగే కరోనా వలన మరో 9 మంది మరణించడంతో రాష్ట్రంలో ఇప్పటివరకు మరణించిన వారి సంఖ్య 348 కి పెరిగింది. కోవిడ్ నుంచి మరో 1714 మంది కోలుకోవడంతో డిశ్చార్జ్ అయినవారి సంఖ్య 20,919 కి చేరింది. ప్రస్తుతం 12,135 మంది కరోనా బాధితులు చికిత్స పొందుతున్నారు.