తెలంగాణ పట్టభద్రుల ఎమ్మెల్సీ ఎన్నికలు.. ఓటర్ల జాబితా షెడ్యూల్ విడుదల

తెలంగాణలో రెండు పట్టభద్రుల (గ్రాడ్యుయేట్) ఎమ్మెల్సీ నియోజకవర్గాల ఓటర్ల జాబితా తయారీకి సంబంధించి ఎన్నికల సంఘం షెడ్యూల్‌ విడుదల చేసింది. మహబూబ్‌నగర్-రంగారెడ్డి-హైదరాబాద్ మరియు వరంగల్-ఖమ్మం-నల్గొండ ఎమ్మెల్సీ స్థానాల కాలపరిమితి మార్చి 2027 నాటితో ముగియనున్న నేపథ్యంలో అధికారులు నూతన ఓటర్ల నమోదు ప్రక్రియకు శ్రీకారం చుట్టారు.

ఫారం-18 ద్వారా ఓటర్ల నమోదు

గతంలో ఓటరుగా నమోదైన వారైనా సరే మళ్లీ కొత్తగా ఫారం-18 ద్వారా దరఖాస్తు చేసుకోవాలని ఎన్నికల అధికారులు తెలిపారు. 2023 నవంబరు 1 నాటికంటే ముందు డిగ్రీ లేదా తత్సమాన విద్య పూర్తి చేసిన పట్టభద్రులు ఓటరుగా నమోదు చేసుకోవడానికి అర్హులని పేర్కొన్నారు. ఆన్‌లైన్ ద్వారా లేదా సంబంధిత తహసీల్దార్, ఆర్డీవో కార్యాలయాల్లో ఆఫ్ లైన్ ద్వారా ఫారం-18 సమర్పించవచ్చని సూచించారు.

ఓటర్ల జాబితా నమోదు సమగ్ర షెడ్యూల్

అర్హత కలిగిన పట్టభద్రులందరూ నిర్ణీత గడువులోగా తమ పేర్లను నమోదు చేసుకుని ప్రజాస్వామ్య ప్రక్రియలో భాగస్వాములు కావాలని అధికారులు కోరారు.