ఆంధ్రప్రదేశ్ రాష్ట్రంలో కరోనా కేసుల నమోదు తగ్గుముఖం పట్టింది. ఈ నేపథ్యంలో సోమవారం ఉదయం 9 గంటల నుంచి మంగళవారం ఉదయం 9 గంటల వరకు రాష్ట్రంలో 8,219 శాంపిల్స్ కు పరీక్షలు నిర్వహించగా ఐదు మందికి పాజిటివ్ గా నిర్ధారణ అయినట్టు పేర్కొన్నారు. కొత్తగా నమోదైన కరోనా కేసుల్లో కృష్ణాలో 2, తూర్పుగోదావరిలో 1, విజయనగరంలో 1, కడపలో 1 నమోదయ్యాయి. అనంతపురం, చిత్తూరు, గుంటూరు, కర్నూల్, శ్రీకాకుళం, నెల్లూరు, ప్రకాశం, విశాఖపట్నం, పశ్చిమగోదావరి వంటి 9 జిల్లాల్లో ఎలాంటి కేసులు నమోదు కాలేదు. దీంతో రాష్ట్రంలో ప్రస్తుతానికి మొత్తం కరోనా పాజిటివ్ కేసుల సంఖ్య 23,19,509 కు చేరుకుంది.
ఇక కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 14,730 గా ఉంది. గత 24 గంటల్లో 37 మంది కరోనా నుంచి కోలుకోవడంతో, ఇప్పటివరకు రికవరీ అయినవారి సంఖ్య 23,04,465 కు చేరుకుంది. ప్రస్తుతం రాష్ట్రంలో 314 యాక్టీవ్ కేసులు ఉన్నాయి. మరోవైపు రాష్ట్రంలో ఇప్పటివరకు మొత్తం 3,34,15,605 కరోనా పరీక్షలు నిర్వహించారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ