ముక్కోణపు వన్డే సిరీస్ ఫైనల్ సమరంలో భారత్ ‘ఎ’ (India A) యువ జట్టు అద్భుత విజయం సాధించి ఛాంపియన్గా నిలిచింది. ఆదివారం శ్రీలంకలోని దంబుల్లా వేదికగా జరిగిన లంక ‘ఎ’ జట్టుతో జరిగిన ఈ తుది పోరులో 15 ఏళ్ల భారత టీనేజ్ బ్యాటింగ్ సంచలనం వైభవ్ సూర్యవంశీ మైదానంలో పెను విధ్వంసం సృష్టించాడు.
టాస్ గెలిచి మొదట బౌలింగ్ ఎంచుకున్న శ్రీలంక ‘ఎ’ జట్టుకు వైభవ్ తన పవర్ హిట్టింగ్తో చుక్కలు చూపించాడు. కేవలం 11 బంతుల్లోనే అర్ధ శతకం (50) మార్కును అందుకోవడమే కాకుండా, మొత్తంగా 29 బంతుల్లో 10 ఫోర్లు, 8 సిక్సర్ల సహాయంతో ఏకంగా 94 పరుగులు కొల్లగొట్టాడు. ఈ అసాధారణ ఇన్నింగ్స్ వేదికగా యువ భారత్ సరికొత్త రికార్డుల ప్రస్థానానికి పటిష్టమైన సంకల్పాన్ని చాటింది.
𝘾𝙃𝘼𝙈𝙋𝙄𝙊𝙉𝙎 🏆
India A captain Tilak Varma collects the trophy after their dominant win in the Final against Sri Lanka A in the #TriNationSeries 2026 Final 👏
Scorecard ▶️ https://t.co/CnmyVyoyjy#SLAvINDA pic.twitter.com/mnXV0aJmXQ
— BCCI (@BCCI) June 21, 2026
21 ఏళ్ల ప్రపంచ రికార్డు బద్దలు
లిస్ట్ ‘ఎ’ (List A) క్రికెట్ చరిత్రలోనే అత్యంత వేగవంతమైన అర్ధ శతకం నమోదు చేసిన ఆటగాడిగా వైభవ్ సూర్యవంశీ ప్రపంచ రికార్డు సృష్టించాడు. ఈ క్రమంలో శ్రీలంకకు చెందిన కౌశల్య వీరరత్నే 2005లో కురునెగల యూత్ జట్టుపై కేవలం 12 బంతుల్లో సాధించిన ఫిఫ్టీ రికార్డును (21 ఏళ్ల నాటి రికార్డు) వైభవ్ బద్దలు కొట్టాడు.
ఎదుర్కొన్న మొదటి 11 బంతుల్లోనే (4, 4, 4, 6, 6, 0, 6, 4, 4, 6, 6) పరుగులు సాధించి ఈ ఘనత సాధించాడు. ఈ క్రమంలో భారత దేశవాళీ క్రికెట్లో సర్ఫరాజ్ ఖాన్ పేరిట ఉన్న 15 బంతుల ఫాస్టెస్ట్ ఫిఫ్టీ రికార్డు కూడా తుడిచిపెట్టుకుపోయింది.
భారీ స్కోరు చేసిన భారత్-ఎ
వైభవ్ సూర్యవంశీ వీరబాదుడితో ఓపెనర్ ప్రియాన్ష్ ఆర్య (39) తో కలిసి మొదటి వికెట్కు కేవలం 9 ఓవర్లలోనే 132 పరుగుల భారీ భాగస్వామ్యాన్ని నెలకొల్పాడు. వైభవ్ అవుటైన తర్వాత కెప్టెన్ తిలక్ వర్మ (67) బాధ్యతాయుతమైన ఇన్నింగ్స్తో జట్టును నడిపించాడు.
చివర్లో రుతురాజ్ గైక్వాడ్ (40), అనుకూల్ రాయ్ (39), విప్రజ్ నిగమ్ (27) బ్యాట్లు ఝుళిపించడంతో భారత్ ‘ఎ’ జట్టు నిర్ణీత 50 ఓవర్లలో 9 వికెట్ల నష్టానికి 377 పరుగుల భారీ స్కోరు సాధించింది. లంక బౌలర్లలో వనుజ సహన్, రవీందు ఫెర్నాండో, మథులాన్ తలో రెండు వికెట్లు పడగొట్టారు.
చేధనలో చేతులెత్తేసిన శ్రీలంక-ఎ
378 పరుగుల భారీ లక్ష్యంతో బరిలోకి దిగిన శ్రీలంక ‘ఎ’ జట్టును భారత బౌలర్లు ఆరంభం నుంచే గట్టి దెబ్బ కొట్టారు. పవర్ప్లేలోనే లంక టాప్ ఆర్డర్ బ్యాటర్లను పేసర్ యశ్ ఠాకూర్ పెవిలియన్ చేర్చాడు.
మధ్యలో వనుజ సహన్ (62), సదీర సమరవిక్రమ (52) అర్ధ శతకాలతో పోరాడినప్పటికీ లాంఛనం పూర్తి కాలేదు. లంక జట్టు 47.1 ఓవర్లలో 311 పరుగులకు ఆలౌట్ కావడంతో భారత్ 66 పరుగుల తేడాతో ఘన విజయం సాధించింది. భారత బౌలర్లలో యశ్ ఠాకూర్, విప్రజ్ నిగమ్ చెరో 3 వికెట్లతో రాణించారు. విధ్వంసకర ఇన్నింగ్స్ ఆడిన వైభవ్ ‘ప్లేయర్ ఆఫ్ ద మ్యాచ్’ అవార్డు దక్కించుకున్నాడు.
స్కోరుబోర్డు
భారత్-ఎ: ప్రియాన్ష్ (సి) వియస్కాంత్ (బి) సముదిత 39, వైభవ్ (సి) వియస్కాంత్(బి) అరాచిచిగే 94, రుతురాజ్ (బి) షిరాజ్ 40, తిలక్ (సి) అవిష్క (బి) సహన్ 67, కుమార్ కుశాగ్ర (సి) డిక్వెలా (బి) రవీందు 36, సూర్యాంశ్ (బి) రవీందు 2, నిషాంత్ (సి) రవీందు (బి) సహన్ 16, విప్రజ్ (సి) షిరాజ్ (బి) మాథులాన్ 27, అనుకూల్ (ఎల్బీ) మాథులాన్ 39, యశ్ (నాటౌట్) 2; ఎక్స్ట్రాలు: 15; మొత్తం: 50 ఓవర్లలో 377/9.
వికెట్ల పతనం: 1-132, 2-136, 3-220, 4-283, 5-285, 6-289, 7-330, 8-334, 9-377.
బౌలింగ్: షిరాజ్ 6-1-56-1, అరాచిచిగే 4-0-35-1, సముదిత 5-0-54-1, మథులాన్ 7-0-82-2, రవీందు ఫెర్నాండో 10-0-72-2, వియస్కాంత్ 8-0-36-0, వనుజ 10-0-39-2.
శ్రీలంక-ఎ: నిరోషన్ (బి) యశ్ 25, అవిష్క (సి) గైక్వాడ్ (బి) యశ్ 3, నువనిదు (సి) విప్రజ్ (బి) యశ్ 21, సమరవిక్రమ (సి) కుశాగ్ర (బి) అశోక్ 52, సహన్ (సి) యశ్ (బి) తిలక్ 38, రవీందు (సి) తిలక్ (బి) విప్రజ్ 19, వనుజ (సి) తిలక్ (బి) విప్రజ్ 62, వియస్కాకాంత్ (సి) వైభవ్ (బి) అనుకూల్ 39, షిరాజ్ (సి) అనుకూల్ (బి) విప్రజ్ 21, సముదిత (సి) విప్రజ్ (బి) అనుకూల్ 15, మథులాన్ (నాటౌట్) 0; ఎక్స్ట్రాలు: 16; మొత్తం: 47.1 ఓవర్లలో 311 ఆలౌట్.
వికెట్ల పతనం: 1-28, 2-33, 3-75, 4-128, 5-149, 6-177, 7-254, 8-284, 9-303.
బౌలింగ్: యశ్ 7-0-45-3, అశోక్ 9-0-75-1, నిషాంత్ 5-0-32-0, సూర్యాంశ్ 6-0-37-0, విప్రజ్ 9.1-0-60-3, తిలక్ 2-0-11-1, అనుకూల్ 9-0-42-2.
