టెన్నిస్ దిగ్గజం, స్విట్జర్లాండ్ ఆటగాడు రోజర్ ఫెదరర్ మరో సింగిల్స్ టైటిల్ సాధించాడు. ఆదివారం తన హోమ్ టౌన్ అయిన బాసెల్ వేదికగా జరిగిన స్విస్ ఇండోర్ ఛాంపియన్షిప్ ఫైనల్ మ్యాచ్ లో ఆస్ట్రేలియా ఆటగాడు అలెక్స్ డి మినార్పై 6-2, 6-2 తేడాతో విజయం సాధించాడు. టాప్ సీడ్ ఫెదరర్ తన కెరీర్లో పదోసారి స్విస్ ఓపెన్ సాధించిన ఘనత అందుకున్నాడు. ఈ విజయంతో కెరీర్లో మొత్తం 103 సింగిల్స్ సాధించి, 109 సింగిల్స్ టైటిల్స్తో జిమ్మీ కానర్స్ పేరు మీదున్న రికార్డ్ కు మరి కొంచెం చేరువయ్యాడు. ఈ సీజన్లో రోజర్ ఫెదరర్ నాలుగు టైటిల్స్ గెలుచుకున్నాడు. దుబాయ్ ఓపెన్ , మియామి, హాలే టైటిల్స్, స్విస్ ఓపెన్ లలో అద్భుత ప్రదర్శన కనబరిచి టైటిల్స్ సాధించాడు. మ్యాచ్ అనంతరం రోజర్ ఫెదరర్ మీడియాతో మాట్లాడుతూ, తన ఆట పట్ల సంతోషం వ్యక్తం చేశాడు. ఇలాగే అత్యుత్తమంగా తన ప్రదర్శనను కొనసాగిస్తానని, ప్రత్యర్థి అలెక్స్ సైతం ఈ టోర్నమెంటులో అద్భుతంగా రాణించినట్టు తెలిపాడు. తన స్వస్థలమైన బాసెల్ లో పదోసారి టైటిల్ గెలవడం ప్రత్యేకంగా ఉందని ఫెదరర్ పేర్కొన్నారు.
Home స్పోర్ట్స్
- Advertisement -