దర్శకుడు రాజమౌళికి కరోనా పాజిటివ్ గా నిర్ధారణ

July 29, 2020

కరోనావ్యాప్తి రోజురోజుకి పెరుగుతున్న నేపథ్యంలో దేశవ్యాప్తంగా పలువురు ప్రజాప్రతినిధులు, సినీ ప్రముఖులు, పలు రంగాల కీలక వ్యక్తులు సైతం కరోనా వైరస్ బారిన పడుతున్నారు. ఈ క్రమంలో ప్రముఖ సినీ దర్శకుడు ఎస్‌.ఎస్‌.రాజమౌళి కి కూడా కరోనా పాజిటివ్ గా నిర్ధారణ అయింది. ఈ విషయాన్ని ఆయనే స్వయంగా ట్విట్టర్ లో వెల్లడించారు. తన కుటుంబ సభ్యులకు, తనకు కొద్ది రోజుల క్రితం కొంచెం జ్వరం వచ్చి తగ్గిపోయిందని, అయితే ముందు జాగ్రత్తగా కరోనా పరీక్షలు చేయించుకున్నట్టు తెలిపారు. ఫలితం మైల్డ్ కోవిడ్ పాజిటివ్ గా వచ్చిందని, వైద్యులు సూచించిన విధంగా హోమ్ క్వారంటైన్ లో ఉన్నట్టు చెప్పారు. వారిలో ఎవరికీ కరోనా లక్షణాలు లేనప్పటికీ, అన్ని నిబంధనలు పాటిస్తున్నామని దర్శకుడు రాజమౌళి తెలిపారు.

All of us are feeling better with no symptoms but are following all precautions and instructions…
Just waiting to develop antibodies so that we can donate our plasma… 🙂🙂💪🏼💪🏼

— rajamouli ss (@ssrajamouli) July 29, 2020