తెలంగాణ ముఖ్యమంత్రి రేవంత్రెడ్డి దేశ రాజధాని ఢిల్లీలో రెండో రోజు కూడా అత్యంత బిజీబిజీగా పర్యటిస్తున్నారు. రాష్ట్ర ప్రయోజనాలే ధ్యేయంగా కేంద్ర మంత్రులతో ఆయన వరుస సమావేశాలు జరుపుతున్నారు. ఇందులో భాగంగా మంగళవారం ఉదయం కేంద్ర పట్టణాభివృద్ధి, గృహ నిర్మాణ శాఖ మంత్రి మనోహర్ లాల్ ఖట్టర్తో ముఖ్యమంత్రి రేవంత్రెడ్డి ప్రత్యేకంగా భేటీ అయ్యారు.
కేంద్ర బొగ్గు, గనుల శాఖ మంత్రి జి. కిషన్ రెడ్డితో కలిసి ఖట్టర్ నివాసానికి వెళ్లిన సీఎం, దాదాపు 40 నిమిషాల పాటు పలు కీలక అంశాలపై సుదీర్ఘంగా చర్చించారు. ఈ అత్యున్నత స్థాయి సమావేశంలో కేంద్ర రైల్వే శాఖ మంత్రి అశ్విని వైష్ణవ్ కూడా పాల్గొనడం ప్రాధాన్యత సంతరించుకుంది. హైదరాబాద్ మెట్రో రైల్ ప్రాజెక్టు పురోగతి, రెండో ఫేజ్ అనుమతుల సాధన దిశగా ఈ భేటీ ద్వారా ఉభయ ప్రభుత్వాల మధ్య ఒక పటిష్టమైన సంకల్పాన్ని చాటారు.
హైదరాబాద్ మెట్రో ఫేజ్-2 అనుమతులు, నిధులపై చర్చ
ఈ సమావేశంలో ప్రధానంగా హైదరాబాద్ మెట్రో రైల్ ఫేజ్-1 టేకోవర్, ఇండియన్ రైల్వే ఫైనాన్స్ కార్పొరేషన్ (IRFC) ద్వారా మంజూరైన రూ.13,600 కోట్ల లోన్ నిధుల విడుదల జాప్యంపై చర్చలు జరిగాయి. అలాగే మెట్రో రెండో ఫేజ్ విస్తరణ ప్రాజెక్టుకు కేంద్ర పట్టణాభివృద్ధి శాఖ నుండి తక్షణమే అనుమతులు మంజూరు చేయాలని, అవసరమైన నిధులను కేటాయించాలని కేంద్రమంత్రి ఖట్టర్ను సీఎం రేవంత్రెడ్డి కోరారు.
ఈ ప్రాజెక్టు ఆలస్యం కావడం వల్ల రాష్ట్రంపై పడుతున్న అదనపు ఆర్థిక భారాన్ని నివేదికల ద్వారా వివరించారు. ఈ భేటీలో తెలంగాణ ప్రభుత్వ ప్రధాన కార్యదర్శి (CS) శాంతి కుమారి, ఆర్థిక శాఖ ప్రత్యేక ప్రధాన కార్యదర్శి కె. రామకృష్ణారావు, మెట్రో రైల్ ఎండీ సర్ఫరాజ్ అహ్మద్ పాల్గొని సాంకేతిక, ఆర్థిక నివేదికలను కేంద్రమంత్రుల ముందు ఉంచారు.
ఈ రోజు ఢిల్లీలో కేంద్ర రైల్వే శాఖ మంత్రి శ్రీ అశ్వనీ వైష్ణవ్ తో మరో కేంద్ర మంత్రి శ్రీ కిషన్ రెడ్డి తో కలిసి భేటీ అయ్యాను. హైదరాబాద్ మెట్రో ఫేజ్ -2కు నిర్మాణం, రాష్ట్ర ప్రభుత్వం తీసుకున్న చర్యలు, నిధుల సమీకరణ పై చర్చించాం.#HyderabadMetroPhase2#MetroExpansion… pic.twitter.com/XrDwlclhwr
— Revanth Reddy (@revanth_anumula) June 22, 2026
రక్షణ శాఖ మంత్రి రాజ్నాథ్ సింగ్కు కృతజ్ఞతలు
అంతకుముందు సీఎం రేవంత్ రెడ్డి కేంద్ర రక్షణ శాఖ మంత్రి రాజ్నాథ్ సింగ్ను కలిశారు. ప్రతిష్టాత్మకమైన ‘గాంధీ సరోవర్ ప్రాజెక్ట్’ కోసం భూమి మార్పిడి విషయంలో రక్షణ శాఖ అందించిన సహకారానికి కృతజ్ఞతలు తెలియజేశారు. అలాగే, రాష్ట్రంలోని మహబూబ్నగర్ జిల్లా దేవరకద్ర సమీపంలో DRDO/DRDL కోసం ఎంపిక చేసిన ప్రాంతంలో చేపట్టాల్సిన కీలక ప్రాజెక్టుకు త్వరితగతిన ఆమోదం తెలపాలని కేంద్ర మంత్రిని కోరారు సీఎం రేవంత్ రెడ్డి. ఈ సందర్భంగా ఆదిలాబాద్ విమానాశ్రయ అభివృద్ధికి సంబంధించి, భూసేకరణ మరియు మౌలిక సదుపాయాల తరలింపు వంటి అంశాలలో రాష్ట్ర ప్రభుత్వం పూర్తి సహకారం అందిస్తుందని కేంద్ర మంత్రికి ఆయన హామీ ఇచ్చారు.
ఈ రోజు ఢిల్లీలో కేంద్ర రక్షణ శాఖ మంత్రి శ్రీ రాజ్ నాథ్ సింగ్ తో భేటీ అయ్యాను. ప్రతిష్ఠాత్మక గాంధీ సరోవర్ ప్రాజెక్టుకు రక్షణ శాఖ భూములు బదలాయించినందుకు కృతజ్ఞతలు తెలిపాను.
ఆదిలాబాద్ ఎయిర్పోర్ట్ అభివృద్ధికి సంబంధించి రాష్ట్ర ప్రభుత్వం భూ సేకరణ, యుటిలిటీస్ బదలాయింపు… pic.twitter.com/4fTR1foikI
— Revanth Reddy (@revanth_anumula) June 22, 2026
కేంద్ర మంత్రులతో తెలంగాణ మంత్రుల వరుస భేటీలు
ముఖ్యమంత్రి పర్యటనకు సమాంతరంగా తెలంగాణకు చెందిన పలువురు మంత్రులు కూడా ఢిల్లీలో ఉంటూ వివిధ కేంద్ర ప్రభుత్వ శాఖల మంత్రులను కలుస్తున్నారు. ఇప్పటికే ఢిల్లీలో ఉన్న ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు.. కేంద్ర వాణిజ్య శాఖ మంత్రి పీయూష్ గోయల్తో భేటీ అయి రాష్ట్ర పారిశ్రామికాభివృద్ధికి సంబంధించిన నిధుల కేటాయింపులపై చర్చించారు.
మరోవైపు మంగళవారం ఉదయం ఢిల్లీ చేరుకున్న రాష్ట్ర పౌర సరఫరాల శాఖ మంత్రి నలమాద ఉత్తమ్ కుమార్ రెడ్డి, వ్యవసాయ శాఖ మంత్రి తుమ్మల నాగేశ్వరరావు మధ్యాహ్నం 1 గంటకు కేంద్ర ఆహార, ప్రజా పంపిణీ శాఖ మంత్రి ప్రహ్లాద జోషితో సమావేశం కానున్నారు. తెలంగాణలో యాసంగి కింద సేకరించిన ధాన్యం మొత్తాన్ని కేంద్ర పూల్ ద్వారా పూర్తిగా కొనుగోలు చేయాలని, కోటాను పెంచాలని వారు డిమాండ్ చేయనున్నారు. అనంతరం కేంద్ర ఆరోగ్య, రసాయన ఎరువుల శాఖ మంత్రి జేపీ నడ్డాతో భేటీ అయి, రాబోయే సీజన్కు రాష్ట్రానికి యూరియా సరఫరాను ముందస్తుగా పెంచాలని విజ్ఞప్తి చేయనున్నారు.
