దేశంలో కొత్తగా 226 మందికి కరోనా పాజిటివ్, 4529 చేరుకున్న యాక్టీవ్ కేసులు

December 4, 2022

దేశంలో కరోనా వ్యాప్తి పూర్తిగా అదుపులోనే ఉంది. కొత్తగా 226 మందికి కరోనా పాజిటివ్ గా నిర్ధారణ కావడంతో మొత్తం కేసుల సంఖ్య 4,46,73,392 కు చేరుకుంది. ముఖ్యంగా గత 24 గంటల్లో కేరళ (93), మహారాష్ట్ర (37), కర్ణాటక (22), తమిళనాడు (13) వంటి 4 రాష్ట్రాల్లోనే కరోనా కేసులు నమోదు కొంత ఎక్కువుగా ఉంది. అలాగే మరో కరోనా వలన ఒకరు మరణించడంతో మొత్తం కరోనా మరణాల సంఖ్య 5,30,628 కు చేరుకుంది. ప్రస్తుతం దేశంలో అన్ని రాష్ట్రాల్లో కలిపి యాక్టీవ్ కేసుల సంఖ్య 5 వేల దిగువకు (4,529 (0.01%)) చేరుకుంది.

మరోవైపు కొత్తగా 293 మంది కరోనా బాధితులు కోలుకోవడంతో, రికవరీ అయిన వారి మొత్తం సంఖ్య 4,41,38,235 కు చేరుకుంది. ఇక దేశంలో ప్రస్తుతం రికవరీ రేటు 98.80 శాతంగానూ, మరణాల రేటు 1.19 శాతంగా ఉంది. అలాగే దేశవ్యాప్తంగా కరోనా వ్యాక్సినేషన్ డ్రైవ్ లో భాగంగా డిసెంబర్ 4, ఆదివారం ఉదయం 8 గంటల వరకు 219.93 కోట్లకుపైగా (2,19,93,30,540) వ్యాక్సిన్ డోసులు ప్రజలకు అందించబడ్డాయని వెల్లడించారు. ముందు రోజున 48,716 వ్యాక్సిన్ డోసులను పంపిణీ చేసినట్టు తెలిపారు.