భారతదేశంలో ఫ్యాటీ లివర్ డిసీజ్ ప్రబలుతోందని డాక్టర్లు ఆందోళన వ్యక్తం చేస్తున్నారు. ఫ్యాటీ లివర్ డిసీజ్‌ను సాధారణ డిసీజ్‌గా చూడొద్దని దానిని మహమ్మారిగా గుర్తించాలని కేంద్రానికి డాక్టర్లు లేఖ రాశారు.డయాబెటిస్, ఊబకాయం రోగులలో 90శాతం మందికి ఫ్యాటీ లివర్ డిసీజ్ ఉన్నట్లు డాక్టర్లు చెబుతున్నారు. ఎక్కువ బరువు గల వారిలో 75% మందిలో, తీవ్ర ఊబకాయుల్లో 90% మందిలో ఈ డిసీజ్ కనిపిస్తుంటుంది. ఇప్పటికే భారత దేశంలో 30- 40 కోట్ల మంది ఫ్యాటీ లివర్ బాధితులున్నారని, రెండు, మూడేళ్లలో ఇంకా పెరుగుతారని వైద్య నిపుణులు హెచ్చరిస్తున్నారు.
నాన్ ఆల్కహాలిక్ వ్యక్తుల్లో కూడా ఫ్యాటీ లివర్ డిసీజ్ వ్యాపిస్తోందని గ్యాస్ట్రో ఎంటమాలజీ డాక్టర్లు అంటున్నారు. అందుకే ఫ్యాటీ లివర్ మహమ్మారిగా ప్రకటించి.. దాని నివారణపై పనిచేయాలని నేషనల్ హెల్త్ టాస్క్ ఫోర్స్‌కు లేఖ రాశామని చెబుతున్నారు. ఫ్యాటీ లివర్ అనేది సైలెంట్‌ కిల్లర్‌గా మారిందని.. ప్రజలంతా దీనిపట్ల జాగ్రత్తగా ఉండాలని హెచ్చరిస్తున్నారు. నిజానికిమకాలేయానికి గొప్ప గుణం ఉంది. అదేంటంటే..డ్యామేజ్ అయినా తిరిగి కోలుకోవటానికే ప్రయత్నిస్తుంది. కానీ ఈ డిసీజ్ తో ఆ చాన్స్ ఇవ్వకపోవడమే ఇప్పుడు ప్రధాన సమస్యగా మారుతోంది.
ఫ్యాటీ లివర్ డిసీజ్ లోమ ముందుగా పైకి ఎలాంటి సింటమ్స్ కనిపించవు. లక్షణాలు కనిపించటం మొదలయ్యేసరికే ఈ జబ్బు బాగా ముదిరిపోతుంది. లివర్ 50-60% డ్యామేజ్ అయినా పైకేమీ తెలియదు. అంతా బాగానే ఉన్నట్టు అనిపిస్తుంది. కానీ జాగ్రత్తగా గమనిస్తే..ఫ్యాటీ లివర్ డిసీజ్లో కొన్నిలక్షణాలు కనిపిస్తాయి.కడుపులో కుడిభాగంలో బరువుగా అనిపించడం,చిన్నగా కడుపునొప్పి రావడం,అలసట,పొట్ట అసౌకర్యం, ఆకలి లేకపోవడం, కామెర్లు వంటి లక్షణాలు కనిపిస్తాయి.
కాలేయం పనితీరును బట్టి ఎఫ్‌ 0- ఎఫ్‌ 4 వరకూ స్కోరింగ్‌ ఇస్తారు. ఈ పరీక్షల్లో ఎఫ్‌4 ఫలితం వస్తే మాత్రం వాళ్లు మూడో దశకు చేరుకున్నట్టు. మూడో దశను లివర్ ఫైబ్రోసిస్‌ అంటారు. లివర్ ఫైబ్రోసిస్‌మ అనేది చాలా ప్రమాదకరం. నాలుగో దశను సిరోసిస్‌ అంటారు. ఈ దశలో కాలేయం పూర్తిగా చెడిపోతుంది. ఈ దశకు చేరుకున్నవాళ్లు 20-30 శాతం వరకూ చనిపోయే ప్రమాదం ఉంటుంది.
తొలిదశ ఫ్యాటీ లివర్ సమస్యను లైఫ్ స్టైల్ మార్పుల ద్వారా సరిచేసుకోవచ్చని డాక్టర్లు చెబుతున్నారు. ముఖ్యంగా బరువు తగ్గించుకోవటం ఎంతగానో ఉపయోగపడుతుంది. మంచి ఫుడ్ తీసుకుంటూ.. కొవ్వులు, నూనె పదార్థాలు తగ్గించాలి. కూరగాయలు, ఫ్రూట్స్ వంటివాటిని బాగా క్లీన్ చేసిన తర్వాతే తినాలి. చక్కెర ఎక్కువగా ఉండే కూల్‌డ్రింకులు కానీ ఎనర్జీ డ్రింక్స్ కానీ తీసుకోకూడదు.
