టీడీపీ ఎంపీ కేశినేని నానికి కరోనా పాజిటివ్ గా నిర్ధారణ

April 16, 2021

ఏపీలో ఇప్పటికే పలు పార్టీల ప్రజాప్రతినిధులు కరోనా బారినపడ్డ సంగతి తెలిసిందే. ఈ క్రమంలో టీడీపీ నేత, విజయవాడ ఎంపీ కేశినేని నానికి కూడా కరోనా పాజిటివ్‌గా నిర్థారణ అయింది. ఈ విషయాన్ని ఆయనే స్వయంగా ట్విట్టర్ ద్వారా వెల్లడించారు. “ప్రియమైన అందరికీ, ఈ రోజు నాకు తేలికపాటి లక్షణాలతో కరోనా పాజిటివ్ గా తేలింది. ప్రస్తుతం ఇంట్లోనే క్వారంటైన్ లో ఉన్నాను మరియు అవసరమైన అన్ని జాగ్రత్తలు తీసుకుంటున్నాను. ఇటీవల నాతో సంప్రదించిన వారందరు ఇతరులతో వేరుగా ఉండి, త్వరగా కరోనా పరీక్షలు చేయించుకోవాలని అభ్యర్థిస్తాను” అని ఎంపీ కేశినేని నాని ట్వీట్ చేశారు.

Dear all, I’ve tested positive for #COVID19 today with mild symptoms. I have quarantined myself at home and am taking all the necessary precautions. I would request all those who came in contact with me to isolate and get themselves tested at the earliest

— Kesineni Nani (@kesineni_nani) April 16, 2021