భారత వైద్య పరిశోధన మండలి (ఐసీఎంఆర్‌), పుణెలోని నేషనల్‌ ఇన్‌స్టిట్యూట్‌ ఆఫ్ వైరాలజీ (ఎన్‌ఐవీ) సహకారంతో భారత్ బయోటెక్ ఇండియా లిమిటెడ్ “కొవాగ్జిన్‌” పేరుతో కరోనాకు వ్యాక్సిన్ తయారు చేస్తున్న సంగతి తెలిసిందే. ఈ వ్యాక్సిన్ ను మానవులపై ఫేజ్-1, ఫేజ్-2 ప్రయోగాలు చేసేందుకు డ్రగ్ కంట్రోలర్ జనరల్ ఆఫ్ ఇండియా (డీసీజీఐ) అనుమతి ఇచ్చింది.
కాగా కొవాగ్జిన్‌ వ్యాక్సిన్ ఫేజ్-1 క్లినికల్ ట్రయల్స్ ను జూలై 15 న ప్రారంభించినట్లు భారత్ బయోటెక్ ప్రకటించింది. మొత్తం 375 మందితో ఫేజ్-1 క్లినికల్ ట్రయల్స్‌ను ప్రారంభించినట్లు ఇటీవలే భారత్ బయోటెక్ ఒక ప్రకటన విడుదల చేసింది. ఈ నేపథ్యంలో హైదరాబాద్‌ లోని నిమ్స్ ఆస్పత్రిలో కూడా ఈ రోజు క్లినికల్ ట్రయల్స్ ప్రారంభమయ్యాయి. నిమ్స్ లో ఇద్దరు వాలంటీర్లకు వైద్యులు కోవాగ్జిన్‌ వ్యాక్సిన్ డోస్‌ ఇచ్చినట్టుగా తెలిపారు. మరోవైపు దేశంలో మొత్తం 12 సెంటర్లలో కొవాగ్జిన్‌ వ్యాక్సిన్ క్లినికల్ ట్రయల్స్ నిర్వహించనున్నట్టు ఐసీఎంఆర్‌ వెల్లడించింది.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu
