తెలంగాణలో కొత్తగా 4801 కరోనా పాజిటివ్ కేసులు, 7430 రికవరీలు నమోదు

May 11, 2021

తెలంగాణ రాష్ట్రంలో కరోనా మహమ్మారి ప్రభావం కొనసాగుతుంది. కొత్తగా 4801 కేసులు నమోదవడంతో మే 11, మంగళవారం సాయంత్రం 5:30 గంటల వరకు మొత్తం పాజిటివ్ కేసుల సంఖ్య 5,06,988 కి చేరినట్టు రాష్ట్ర వైద్య ఆరోగ్యశాఖ బులెటిన్ విడుదల చేసింది. కరోనా వలన మరో 32 మంది మరణించడంతో, రాష్ట్రంలో మొత్తం మరణాల సంఖ్య 2803 కి పెరిగింది.

ఇక గత 24 గంటల్లో 7430 మంది కరోనా నుంచి కోలుకోగా, రికవరీ అయినవారి సంఖ్య 4,44,049 కు చేరుకుంది. ప్రస్తుతం 60,136 యాక్టీవ్ కేసులు ఉన్నాయి. మరోవైపు మంగళవారం నాడు 75,289 శాంపిల్స్ కు పరీక్షలు నిర్వహించడంతో మొత్తం పరీక్షల సంఖ్య 1,37,54,216 కు చేరగా, రాష్ట్రంలో ప్రతి పదిలక్షల జనాభాకు 3,69,538 పరీక్షలు నిర్వహించినట్టు పేర్కొన్నారు.