తెలంగాణ రాష్ట్రంలో మే 7 వరకు లాక్డౌన్ పొడిగిస్తూ రాష్ట్రప్రభుత్వం ఉత్తర్వులు జారీ చేసిన సంగతి తెలిసిందే. ఈ నేపథ్యంలో అత్యవసరం/తప్పనిసరి పరిస్థితుల్లో ఉన్నవారికి మాత్రమే బయటకు వచ్చేందుకు అనుమతి ఇవ్వనున్నట్టు హైదరాబాద్ పోలీస్ కమిషనర్ అంజనీకుమార్ ప్రకటించారు. అలాంటి వారికోసం ఈ-పాస్ లను జారీ చేస్తున్నామని, ఈ పాస్ల కోసం ఎవరూ కమిషనర్ కార్యాలయానికి లేదా పోలీస్ స్టేషన్లకు రావొద్దని, ఆన్లైన్లోనే పాస్ల కోసం దరఖాస్తు చేసుకోవాలని ప్రకటించారు. వ్యక్తులు, వాహనాలుకు, సంస్థలకు, పరిశ్రమలు/ షాపులకు కొత్త తరహా ఈ-పాస్ సౌకర్యాన్ని కల్పిస్తున్నట్టు పేర్కొన్నారు.
ఈ-పాస్ దరఖాస్తు / తీసుకోవడం ఎలా?:
- ముందుగా https://www.hyderabadpolice.gov.in/ పోలీస్ పోర్టల్ ఓపెన్ చెయ్యాలి.
- “Goods Service Travel Pass and other Emergency Services Pass” సెక్షన్ పై క్లిక్ చేయాలి.
- ఫోటో, ఐడీ ప్రూఫ్ తో కూడిన వ్యక్తిగత వివరాలను నమోదు చేయాలి. పాస్ కోసం కారణాన్ని వివరిస్తూ నమోదు చేసే ప్రక్రియకు 10 నిముషాలు సమయం పట్టే అవకాశం.
- ఈ వివరాలను హైదరాబాద్ సిటీ పోలీస్ స్పెషల్ బ్రాంచ్ పరిశీలిస్తుంది.
- అనంతరం దరఖాస్తు చేసుకున్న వ్యక్తి సెల్ ఫోన్ కు మెసేజ్ ద్వారా రిఫరెన్స్ నెంబర్ వస్తుంది.
- ఈ రిఫరెన్స్ నెంబర్ సహాయంతో దరఖాస్తు చేసుకున్న వ్యక్తి యూనిక్ క్యూఆర్ కోడ్ కలిగిన ఈ-పాస్ ను కలర్ ప్రింట్ లేదా డౌన్ లోడ్ చేసుకోవాల్సి ఉంటుంది.
- నగరంలో వివిధ చెక్ పోస్టుల వద్ద క్యూఆర్ కోడ్ కలిగిన ఈ ఈ-పాస్ ను పోలీస్ అధికారులకు చూపించాల్సి ఉంటుంది.
- పోలీసులు ఈ-పాస్ లోని క్యూఆర్ కోడ్ ను స్కాన్ చేసి ఖచ్చితమైనదో కాదో నిర్ధారణ చేస్తారు.
- దరఖాస్తు చేసిన సమయంలో నమోదు చేసిన ఐడీ ప్రూఫ్ ను ఈ-పాస్ తో పాటుగా దగ్గర ఉంచుకోవాల్సి ఉంటుంది,
- పాసులు కోసం పోలీస్ కమిషనరేట్ కార్యాలయాలకు గాని, ఇతర పోలీస్ స్టేషన్ల దగ్గరకు గాని వెళ్లనవసరం లేకుండా పై విధంగా ఈ-పాస్ పొందవచ్చు.
E-PASS for Essential & Emergency Purpose.https://t.co/fkZ6KDTCnU#Covid19 #StaySafe #StayHome 🏠 pic.twitter.com/AZ8fKIcl70
— Anjani Kumar, IPS (@CPHydCity) April 19, 2020
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu
[subscribe]