తెలంగాణలో కొత్తగా 87 మందికి కరోనా పాజిటివ్, 20 జిల్లాల్లో జీరో కేసులు

October 11, 2022

తెలంగాణ రాష్ట్రంలో కరోనా వ్యాప్తి పూర్తిగా అదుపులోనే ఉంది. కొత్తగా 87 పాజిటివ్ కేసులు నమోదవడంతో అక్టోబర్ 10, సోమవారం సాయంత్రం 5:30 గంటల నాటికీ మొత్తం కేసుల సంఖ్య 8,38,611 కి పెరిగింది. అత్యధికంగా హైదరాబాద్ లోనే 40 పాజిటివ్ కేసులు నమోదయ్యాయి. ఇక 20 జిల్లాల్లో ఎలాంటి కరోనా కేసులు నమోదు కాలేదు. రాష్ట్రంలో ప్రస్తుతం 503 యాక్టీవ్ కేసులు ఉన్నాయి.

కరోనా నుంచి మరో 73 మంది కోలుకోవడంతో డిశ్చార్జ్ అయినవారి మొత్తం సంఖ్య 8,33,997 కి చేరింది. అలాగే కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 4,111 గా ఉన్నట్టు రాష్ట్ర వైద్య ఆరోగ్యశాఖ రోజువారీ బులెటిన్ లో వెల్లడించింది. ఇక సోమవారం నాడు 9,323 శాంపిల్స్ పరీక్షించినట్టు తెలిపారు.