ఆంధ్రప్రదేశ్ రాష్ట్రంలో ఎంపీటీసీ, జెడ్పీటీసీ ఎన్నికల ఫలితాలు వెలువడిన సంగతి తెలిసిందే. ఈ నేపథ్యంలో పరోక్ష పద్ధతిలో జిల్లా పరిషత్ (జెడ్పీ) చైర్మన్, వైస్ ఛైర్మన్, మండల పరిషత్ అధ్యక్షులు(ఎంపీపీ), ఉపాధ్యక్షులు మరియు కో-ఆప్టెడ్ సభ్యుల ఎన్నికకు రాష్ట్ర ఎన్నికల కమిషన్ ఆదివారం నోటిఫికేషన్ జారీ చేసింది. సెప్టెంబర్ 24న ఎంపీపీ, సెప్టెంబర్ 25న జెడ్పీ చైర్మన్ల ఎన్నికలు నిర్వహించనున్నారు. ముందుగా ఆయా రోజుల్లో రాష్ట్రవ్యాప్తంగా మధ్యాహ్నం 1 గంటకు ప్రత్యేక సమావేశం నిర్వహించి ఎంపీటీసీ, జెడ్పీటీసీలుగా ఎన్నికైన సభ్యుల చేత ప్రమాణ స్వీకారం చేయించనున్నారు. అనంతరం కో-ఆప్టెడ్ సభ్యుడి ఎన్నిక చేపట్టనున్నారు. మధ్యాహ్నం 3 గంటలకు ఎంపీపీ, ఉపాధ్యక్షులు, జెడ్పీ చైర్మన్, ఇద్దరు వైస్ చైర్మన్ల ఎన్నిక కోసం ప్రత్యేక సమావేశం నిర్వహించనున్నారు.
మండల పరిషత్ అధ్యక్షులు(ఎంపీపీ), ఉపాధ్యక్షులు ఎన్నిక (సెప్టెంబర్ 24) :
- ప్రత్యేక సమావేశం నిర్వహణకు నోటీసులు జారీ: సెప్టెంబర్ 20, సోమవారం లేదా ముందుగానే
- కో-ఆప్టెడ్ సభ్యుడి ఎన్నికకు నామినేషన్లు స్వీకరణ, పరిశీలన, ఉపసంహరణ, ఎన్నిక : సెప్టెంబర్ 24
- ఎంపీటీసీల ప్రమాణస్వీకారం, కో-ఆప్టెడ్ సభ్యుడి ఎన్నిక సమయం : సెప్టెంబర్ 24, మధ్యాహ్నం 1 గంటకు
- ఎంపీపీ, ఉపాధ్యక్షులు ఎన్నికకు ప్రత్యేక సమావేశం నిర్వహణ: సెప్టెంబర్ 24, మధ్యాహ్నం 3 గంటలకు
- 24న ఈ ఎన్నికలు నిర్వహించలేని పక్షంలో సెప్టెంబర్ 25న పూర్తి.
జిల్లా పరిషత్ (జెడ్పీ) చైర్మన్, ఇద్దరు వైస్ ఛైర్మన్ల ఎన్నిక (సెప్టెంబర్ 25) :
- ప్రత్యేక సమావేశం నిర్వహణకు నోటీసులు జారీ: సెప్టెంబర్ 21, మంగళవారం లేదా ముందుగానే
- ఇద్దరు కో-ఆప్టెడ్ సభ్యుల ఎన్నికకు నామినేషన్లు స్వీకరణ, పరిశీలన, ఉపసంహరణ, ఎన్నిక : సెప్టెంబర్ 25
- ఎంపీటీసీల ప్రమాణస్వీకారం, ఇద్దరు కో-ఆప్టెడ్ సభ్యుల ఎన్నిక సమయం : సెప్టెంబర్ 25, మధ్యాహ్నం 1 గంటకు
- జెడ్పీ చైర్మన్, ఇద్దరు వైస్ ఛైర్మన్ల ఎన్నికకు ప్రత్యేక సమావేశం నిర్వహణ: సెప్టెంబర్ 25, మధ్యాహ్నం 3 గంటలకు
- 25న ఈ ఎన్నికలు నిర్వహించలేని పక్షంలో సెప్టెంబర్ 26న పూర్తి.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ