తెలంగాణలో ఒకేరోజులో 3837 కరోనా కేసులు, 4976 రికవరీలు నమోదు

May 20, 2021

తెలంగాణ రాష్ట్రంలో కరోనా మహమ్మారి ప్రభావం కొనసాగుతుంది. కొత్తగా 3837 కేసులు నమోదవడంతో మే 19, బుధవారం సాయంత్రం 5:30 గంటల వరకు మొత్తం పాజిటివ్ కేసుల సంఖ్య 5,40,603 కి చేరినట్టు రాష్ట్ర వైద్య ఆరోగ్యశాఖ బులెటిన్ విడుదల చేసింది. కరోనా వలన మరో 25 మంది మరణించడంతో, రాష్ట్రంలో మొత్తం మరణాల సంఖ్య 3037 కి పెరిగింది.

ఇక గత 24 గంటల్లో 4976 మంది కరోనా నుంచి కోలుకోగా, రికవరీ అయినవారి సంఖ్య 4,90,620 కు చేరుకుంది. ప్రస్తుతం 46,946 యాక్టీవ్ కేసులు ఉన్నాయి. మరోవైపు బుధవారం నాడు 71,070 శాంపిల్స్ కు పరీక్షలు నిర్వహించడంతో మొత్తం పరీక్షల సంఖ్య 1,42,67,002 కు చేరగా, రాష్ట్రంలో ప్రతి పదిలక్షల జనాభాకు 3,83,315 పరీక్షలు నిర్వహించినట్టు పేర్కొన్నారు.