జూనియర్ ఎన్టీఆర్ కు కరోనా పాజిటివ్, ఐసోలేషన్ లో ఉన్నానని వెల్లడి

May 10, 2021

దేశవ్యాప్తంగా పలువురు సినీ ప్రముఖులు ఇప్పటికే కరోనా వైరస్ బారినపడిన సంగతి తెలిసిందే. ఈ క్రమంలో ప్రముఖ కథానాయకుడు జూనియర్ ఎన్టీఆర్ కు కరోనా పాజిటివ్ గా నిర్ధారణ అయింది. ఈ విషయాన్ని ఆయనే స్వయంగా ట్విట్టర్ ద్వారా వెల్లడించారు. “నాకు కోవిడ్-19 పాజిటివ్ గా తేలింది. దయచేసి ఎలాంటి ఆందోళన వద్దు, నేను బాగానే ఉన్నాను. నా కుటుంబం మరియు నేను ఐసోలేషన్ లో ఉన్నాం. వైద్యుల పర్యవేక్షణలో అన్ని కరోనా ప్రోటోకాల్‌లను అనుసరిస్తున్నాము. గత కొన్ని రోజులుగా నాతో సంప్రదించిన వారంతా కరోనా పరీక్షలు చేయించుకోవాలని అభ్యర్థిస్తున్నాను. సురక్షితంగా ఉండండి” అని జూ.ఎన్టీఆర్ ట్వీట్ చేశారు.

I’ve tested positive for Covid19. Plz don’t worry,I’m doing absolutely fine. My family & I have isolated ourselves & we’re following all protocols under the supervision of doctors. I request those who’ve come into contact with me over the last few days to pl get tested. Stay safe

— Jr NTR (@tarak9999) May 10, 2021