విశాఖపట్నం ఐఐఎం (IIM Visakhapatnam) ప్రాంగణంలో కాన్ఫెడరేషన్ ఆఫ్ ఇండియన్ ఇండస్ట్రీ (CII) నిర్వహించిన రీజినల్ ఇన్వెస్టర్స్ సమిట్‌లో కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు మరియు రాష్ట్ర మౌలిక వసతుల శాఖ మంత్రి బి.సి. జనార్ధన్ రెడ్డి పాల్గొని ప్రసంగించారు.
ఆంధ్రప్రదేశ్‌ను గ్లోబల్ మ్యానుఫ్యాక్చరింగ్ సబ్‌గా తీర్చిదిద్దేందుకు ప్రభుత్వం చేపడుతున్న చర్యలు మరియు విమానయాన, మౌలిక రంగాలు సాధిస్తున్న పురోగతిని కేంద్ర మంత్రి రామ్మోహన్ నాయుడు వివరించారు.
కింజరాపు రామ్మోహన్ నాయుడు ప్రసంగంలోని ముఖ్యాంశాలు:
-
టైమ్ ఈజ్ ది న్యూ ఇన్వెస్ట్‌మెంట్:
వ్యాపారాలు చేయడానికి సులభతర విధానాలు (Ease of Doing Business) మాత్రమే కాకుండా, పెట్టుబడులకు వేగవంతమైన అనుమతులు (Speed of Doing Business) ఇవ్వడమే ప్రభుత్వ లక్ష్యమని స్పష్టం చేశారు. APIIC సింగిల్ విండో సిస్టమ్ ద్వారా 6 నుండి 12 నెలల వ్యవధిలోనే పారదర్శకంగా అనుమతులు మంజూరు చేస్తున్నామని చెప్పారు.
-
విశాఖ విజన్ – ఫస్ట్ విశాఖ:
“విశాఖపట్నాన్ని మరో బెంగళూరు అనో లేదా మరో హైదరాబాద్ అనో పిలవడం నాకు ఇష్టం లేదు; విశాఖను ఫస్ట్ విశాఖగా (First Vizag) నిలబెట్టడమే మా లక్ష్యం” అని వ్యాఖ్యానించారు. విశాఖ ప్రాంతం నేడు స్టీల్, ఆర్టిఫిషియల్ ఇంటెలిజెన్స్ (AI), డేటా సెంటర్లు, గ్రీన్ హైడ్రోజన్, డిఫెన్స్, షిప్‌బిల్డింగ్, ఏరోస్పేస్ మరియు డ్రోన్ రంగానికి ప్రధాన కేంద్రంగా మారుతోందని తెలిపారు.
-
విమానయాన మౌలిక వసతుల వేగం:
-
భోగాపురం అంతర్జాతీయ విమానాశ్రయం: కేవలం 31 నెలల రికార్డు సమయంలో (నిర్దేశిత గడువు కంటే 6 నెలల ముందే) నిర్మాణం పూర్తి చేసుకుంటోందని పేర్కొన్నారు.
-
కొత్త విమానాశ్రయాలు & ఏరోస్పేస్ హబ్‌లు: కుప్పం, శ్రీకాకుళం ప్రాంతాల్లో విమానాశ్రయాల ఏర్పాటుకు అవసరమైన సైట్ క్లియరెన్సెస్ లభించాయని చెప్పారు.
-
డ్రోన్ సిటీ & ఏరోస్పేస్: కర్నూలులో ‘డ్రోన్ సిటీ’, పుట్టపర్తిలో ఏరోస్పేస్ హబ్, అలాగే కుప్పంలో హంస (Hamsa) ట్రైనర్ ఎయిర్‌క్రాఫ్ట్ తయారీ యూనిట్‌ను ఏర్పాటు చేస్తున్నట్లు వెల్లడించారు.
-
విమానయాన రంగంలో శిక్షణ: రాష్ట్రంలో 5,000 మంది ఏవియేషన్ ప్రొఫెషనల్స్‌కు శిక్షణ ఇవ్వడమే లక్ష్యంగా ప్రణాళికలు సిద్ధం చేశామన్నారు.
-
సమిట్ విశేషాలు:
-
భారీ ఎంవోయూలు (MoUs): ఈ సదస్సు వేదికగా పలు అంతర్జాతీయ, దేశీయ ప్రముఖ పారిశ్రామిక సంస్థలతో 31 కీలక అవగాహన ఒప్పందాలు కుదిరాయి.
-
పెట్టుబడుల ప్రవాహం: గడిచిన రెండేళ్లలో ఆంధ్రప్రదేశ్ రాష్ట్రం రూ.8.67 లక్షల కోట్ల పెట్టుబడి ప్రతిపాదనలను ఆకర్షించగా, ఎఫ్‌డిఐ (FDI) పసిఫిక్ స్థాయి $92 మిలియన్ల నుండి $608 మిలియన్లకు పెరిగింది.
-
ప్రాంతీయ మరియు ఎంఎస్‌ఎంఈ (MSME) ప్రదర్శన: సదస్సులో భాగమైన పారిశ్రామిక ప్రదర్శనలో స్థానిక ఉత్పత్తులైన అరకు కాఫీ (Araku Coffee), పొందూరు ఖాదీ, మాడుగుల హల్వాతో పాటు ఏటికొప్పాక బొమ్మల స్టాళ్లను మంత్రి ప్రత్యక్షంగా సందర్శించి ప్రోత్సహించారు.
-
లాజిస్టిక్స్ డిజిటలైజేషన్: రాష్ట్రంలో రవాణా వ్యయాన్ని తగ్గించి పరిశ్రమలకు అండగా నిలిచేందుకు ఏపీ-లింక్ (AP-LINK), ట్రాన్స్‌పోర్ట్ కనెక్ట్ యాప్ మరియు లాజిస్టిక్స్ అనలిటిక్స్ డాష్‌బోర్డ్‌లను అందుబాటులోకి తెచ్చినట్లు అధికారులు వెల్లడించారు.
