తెలంగాణలో కొత్తగా 238 మందికి కరోనా పాజిటివ్, 518 మంది రికవరీ

January 4, 2021

తెలంగాణ రాష్ట్రంలో ఆదివారం నాడు 27,077 శాంపిల్స్ పరీక్షించగా 238 మందికి కరోనా పాజిటివ్ గా నిర్ధారణ అయింది.‌ దీంతో రాష్ట్రంలో ఇప్పటికి మొత్తం కేసుల సంఖ్య 2,87,740 కి చేరింది. అలాగే కరోనాతో మరో ఇద్దరు మరణించడంతో మొత్తం మరణాల సంఖ్య 1551 కి పెరిగింది. కొత్తగా 518 మంది కోలుకోవడంతో ఇప్పటివరకు రికవరీ అయినవారి సంఖ్య 2,81,083 కు చేరుకుంది. తాజాగా నమోదైన కరోనా పాజిటివ్‌ కేసుల్లో అత్యధికంగా జీహెచ్‌ఎంసీ పరిధిలో 60, రంగారెడ్డిలో 26, వరంగల్ అర్బన్ లో 20, మేడ్చల్-మల్కాజ్ గిరిలో 15, కరీంనగర్ లో 15 నమోదయ్యాయి.