తెలంగాణలో కరోనా: కొత్తగా 151 పాజిటివ్ కేసులు నమోదు, రికవరీ రేటు 99.07%

February 28, 2022

తెలంగాణ రాష్ట్రంలో రోజువారీ కరోనా పాజిటివ్ కేసుల నమోదు తగ్గుముఖం పట్టింది. కొత్తగా 151 మందికి కరోనా పాజిటివ్ గా నిర్ధారణ కావడంతో ఫిబ్రవరి 27, ఆదివారం సాయంత్రం 5:30 గంటల నాటికీ మొత్తం కరోనా కేసుల సంఖ్య 7,88,775కి చేరినట్టు రాష్ట్ర వైద్య ఆరోగ్యశాఖ బులెటిన్ విడుదల చేసింది. అలాగే కరోనా నుంచి మరో 453 మంది కోలుకోవడంతో ఇప్పటివరకు రికవరీ అయినవారి సంఖ్య 7,81,427 కి చేరింది. రాష్ట్రంలో కరోనా రికవరీ రేటు 99.07 శాతంగా, మరణాల రేటు 0.52 శాతంగా ఉంది.

కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 4,111 గా ఉంది. ప్రస్తుతం రాష్ట్రంలో 3,237 యాక్టీవ్ కేసులు ఉన్నాయి. తాజాగా నమోదైన కరోనా పాజిటివ్‌ కేసుల్లో అత్యధికంగా జీహెచ్ఎంసీ ప‌రిధిలో 68, రంగారెడ్డిలో 13, మేడ్చల్ మల్కాజ్ గిరిలో 8, మంచిర్యాలలో 8, హనుమకొండలో 8, సిద్దిపేటలో 6, సంగారెడ్డిలో 6 నమోదయ్యాయి.