దేశ రాజకీయాల్లో సీనియర్ నేత, జమ్మూ కాశ్మీర్ మాజీ ముఖ్యమంత్రి గులాం నబీ ఆజాద్ కాంగ్రెస్ పార్టీకి రాజీనామా చేసి, కొత్త పార్టీని స్థాపించాలని నిర్ణయం తీసుకున్న విషయం తెలిసిందే. ఈ నేపథ్యంలో గులాం నబీ ఆజాద్ తన కొత్త పార్టీ పేరును ప్రకటించారు. సోమవారం ఉదయం గులాం నబీ ఆజాద్ మీడియా సమావేశంలో మాట్లాడుతూ, తన పార్టీకి ‘డెమోక్రటిక్ ఆజాద్ పార్టీ’ అనే పేరు ఖరారు చేసినట్టు తెలిపారు. అలాగే నీలం, తెలుపు, ఆవరంగులతో కూడిన పార్టీ జెండాను కూడా ఆవిష్కరించారు. జమ్మూ కాశ్మీర్ లో త్వరలో అసెంబ్లీ ఎన్నికలు జరగనున్న నేపథ్యంలో పార్టీ రిజిస్ట్రేషన్, విధానాలు, ప్రచారం వంటి వాటిపై గులాం నబీ ఆజాద్ దృష్టి సారించారు.
ఖచ్చితంగా కాంగ్రెస్ పార్టీకి రాజీనామా చేసిన నెల రోజుల తర్వాత తన పార్టీ పేరును ఆజాద్ ప్రకటించారు. పార్టీ పేరుకోసం సూచనలు కోరగా మొత్తం 1500 పేర్లు సూచించారని, పార్టీ పేరు ప్రజాస్వామ్యబద్ధంగా, శాంతియుతంగా, స్వతంత్రంగా ఉండాలని భావించడంతో డెమోక్రటిక్ ఆజాద్ పార్టీ అనే పేరు పెట్టాలని నిర్ణయించామన్నారు. జమ్మూ కాశ్మీర్ కు పూర్తి రాష్ట్ర హోదా తేవడం, భూమిపై హక్కు మరియు స్థానిక నివాసులకు ఉపాధి తన డీఏపీ పార్టీ దృష్టి పెడుతుందని గులాం నబీ ఆజాద్ స్పష్టం చేశారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY