వాల్డ్‌ వైడ్‌గా సినీ లవర్స్ ఎంతో ఆసక్తిగా ఎదురు చూస్తున్న ఆస్కార్ నామినేషన్స్‌పై క్లారిటీ వచ్చేసింది. ఆస్కార్-2025 అవార్డుల కోసం ఈసారి పోటీ పడుతున్న సినిమాల జాబితాను అకాడమీ తాజాగా ప్రకటించింది. అత్యధిక కేటగిరిల్లో ది బ్రూటలిస్ట్‌, ఎమిలియా పెరెజ్‌ సినిమాలు నామినేషన్స్ సొంతం చేసుకోగా..భారతీయుల చిత్రాలకు తీవ్ర నిరాశ ఎదురైంది.
97వ అకాడమీ అవార్డుల కోసం పోటీ పడుతున్న సినిమాల జాబితాను అకాడమీ విడుదల చేయగా..దానిలో గోల్డెన్‌ గ్లోబ్‌ అవార్డుల్లో సత్తా చాటిన ది బ్రూటలిస్ట్‌, ఎమిలియా పెరెజ్‌ సినిమాలు అత్యధిక కేటగిరిల్లో నామినేషన్స్ ను సొంతం చేసుకున్నాయి. ఆ తర్వాత స్థానాల్లో కాన్‌క్లేవ్‌, అనోరా, ది సబ్‌స్టాన్స్‌, ఎ కంప్లీట్‌ అన్‌నోన్‌, ది రియల్‌ పెయిన్‌, విక్డ్‌, డ్యూన్‌ పార్ట్‌2 సినిమాలున్నాయి.
కాగా ఇండియన్ షార్ట్ ఫిల్మ్‌ ‘అనోజా’ మాత్రం.. ఉత్తమ షార్ట్ ఫిల్మ్‌ కేటగిరిలో నామినేషన్‌ సొంతం చేసుకోవడం కాస్త సంత‌ృప్తినిచ్చింది.ఆడమ్‌ జె.గ్రేవ్స్‌ డైరక్షన్ వహించిన ఈ షార్ట్ ఫిల్మ్‌కి ప్రియాంక చోప్రా జోన్స్‌ ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు.
ఇక.. ఈ ఏడాది మార్చి 2వ తేదీన ఆస్కార్ అవార్డుల ప్రదానోత్సవం జరగనుంది. కోనన్‌ ఓబ్రియాన్‌ ఆస్కార్ వేదికపై వ్యాఖ్యాతగా వ్యవహరించనున్నారు. ఇదిలావుంటే.. ఈ సారి ఇండియన్ మూవీలకు తీవ్ర నిరాశ ఎదురవడంతో అసంతృప్తి వెల్లువెత్తుతోంది. కంగువా, ది గోట్ లైఫ్, ఆల్ వి ఇమాజిన్ యాజ్ లైట్, సంతోష్, స్వాతంత్ర్య వీర సావర్కర్ సినిమాలలో ఒక్కటి కూడా నామినేషన్స్‌లో చోటు దక్కించుకోలేకపోయాయి.
గతంలో రాజమౌళి ఆర్ఆర్ఆర్‌ మూవీలోని నాటు నాటు సాంగ్‌కి.. ది బెస్ట్‌ ఒరిజినల్ సాంగ్ విభాగంలో అవార్డ్ వచ్చిన విషయం తెలిసిందే. ఇక.. గతంలోనే విడుదల కావాల్సిన ఆస్కార్ నామినేషన్స్ మూవీల లిస్టు. అమెరికాలోని లాస్‌ ఏంజెల్స్‌లో దావానంలా వ్యాపించిన కార్చిచ్చు వల్ల వాయిదా పడుతూ వచ్చింది.
