ఏపీలో స్కూళ్లకు దసరా పండుగ సెలవులు ఎప్పటినుంచంటే?

October 6, 2021

ఆంధ్రప్రదేశ్ రాష్ట్రంలోని పాఠశాలలకు అక్టోబర్ 11, మంగళవారం నుంచి అక్టోబర్ 16, శనివారం వరకు దసరా సెలవులను ఇవ్వనున్నారు. అక్టోబర్ 8వరకు పాఠశాలలు పనిచేయనుండగా, అక్టోబర్ 9వ తేదీ రెండో శనివారం, అక్టోబర్ 10, ఆదివారం రావడంతో సెలవు రోజుల సంఖ్య పెరిగింది. అలాగే అక్టోబర్ 17 కూడా ఆదివారం కావడంతో, రాష్ట్రంలో పాఠశాలలు తిరిగి అక్టోబర్ 18వ తేదీన పునఃప్రారంభం కానున్నాయి. దీంతో రెండో శనివారం, ఆదివారాలలో కలిపి రాష్ట్రంలో పాఠశాలలకు మొత్తం 9 రోజుల పాటుగా సెలవులు ఉండనున్నాయి. మరోవైపు తెలంగాణలో బతుకమ్మ, దసరా పండుగలను పురస్కరించుకుని పాఠశాలలకు ఆదివారాలలో కలిపి అక్టోబర్ 6 నుంచి అక్టోబర్ 17 వరకు మొత్తం 12 రోజుల పాటుగా దసరా సెలవులు ప్రకటించారు.