రాజమండ్రిలో మెగాస్టార్ చిరంజీవి పర్యటన, అల్లు రామలింగయ్య కాంస్య విగ్రహం ఆవిష్కరణ

October 1, 2021

ప్రముఖ అగ్రనటుడు, మెగాస్టార్ చిరంజీవి శుక్రవారం రాజమండ్రిలో పర్యటించారు. ఈ పర్యటనలో భాగంగా అల్లు రామలింగయ్య 100వ జయంతి సందర్భంగా రాజమండ్రిలోని అల్లు రామలింగయ్య హోమియోపతి వైద్య కళాశాల ఆవరణలో ఏర్పాటు చేసిన అల్లు రామలింగయ్య కాంస్య విగ్రహాన్ని చిరంజీవి ఆవిష్కరించారు. అలాగే తను ఎంపీగా ఉన్న సమయంలో ఎంపీ ల్యాడ్స్ నిధులతో ఈ వైద్య కళాశాలలో నూతన భవనం కోసం చిరంజీవి రూ.2 కోట్లు నిధులను కేటాయించారు. ఈ నేపథ్యంలో ఆ నూతన భవనాన్ని కూడా చిరంజీవి ఈ రోజు ప్రారంభించారు. ఈ కార్యక్రమాల్లో చిరంజీవితో పాటు అల్లు అరవింద్‌, ఇతర కుటుంబసభ్యులు, ఏపీ బీజేపీ అధ్యక్షుడు సోము వీర్రాజు, మాజీ ఎంపీ, ప్రముఖ నటుడు మురళీమోహన్, తదితరులు పాల్గొన్నారు.